மேலாடை

-
புகழ்பெற்ற கோவில்கள் சில
தடைபோட்டது ஆண்களுக்கு
மேலாடையுடன் உட்செல்ல…!
நல்லது…
பெயரே தெரியாத கோவில்கள் பல
எப்படியாவது சனம் வந்தாலே போதும் எனத்
தடைகளைத்  தகர்த்துவிட்டது…!

கோவில்களில்
தீபந்தங்கள் போய் மின்பந்தங்கள் வந்தாகிவிட்டது…!
அடியார்கள் சுமந்த சுவாமி,  மோட்டார் வாகனத்தில்
நகருலா போகின்றார்…
கொப்பியும் பேணாவும் போய் கணினியும், கைபேசியும் தேவையாகிவிட்டது..
நடைப்பயணங்கள் போய் வாகனப்பயணங்கள் வரையறையற்று வந்துவிட்டது…
கூழையும் களியையும்,  பிட்சாவும் பர்கரும்
தொலைத்துவிட்டது…
உறவுகள் தொலைந்த உதிர்ந்த வாழ்கை, சிறந்த வாழ்க்கையாகிவிட்டது…
மெதுவாக நகர்ந்த வாழ்க்கை, பர பர என பறந்த வாழ்க்கையாகி விட்டது..
மாற்றங்கள் இப்படி வரும் போது….?
பழையதை அப்படியே ஏற்பதா..?
மாற்றங்களூடாக ஏற்பதா..?

பிறநாட்டவர் ஒருவர்
ஆண்களின் அரைநிர்வாணக் கோலத்தைப் பார்த்து
ஆண்கள் கவர்ச்சி காட்டும்
மையமா  கோவில்…?
எனக்கேட்டார்…
சிந்தித்துபார்த்தேன்…
என்னறிவுக்குத் தோன்றியவை
இதோ…

ஆணாதிக்க சமுதாய வெளிப்பாடே
அரைநிர்வாணம்…
அர்ச்சகர்களையும், அடுத்தவர்களையும்
இனங்காண்பதற்கே மேலாடையின்றி இருக்கவேண்டிய நிலை…
வெப்பநாட்டில் வசிப்பவர்களின்
ஆரோக்கிய வாழ்வுக்கான ஆடையணியும்
வழிமுறை...
உடல்களின் உரசலும் வேர்வைகளின்
இணைதலும் ஏற்பட 
வழிவகுத்த அரைநிர்வாணம், 
எல்லாம் ஒன்றே
என்ற  ஆத்மீக தத்துவத்தை உணர்த்த…

சிந்தனைமுடியவில்லை.
நீளுகின்றது….
எப்படியான காரணமெனினும்
காலத்தோடு பொருந்துகின்றதா…?
கைகளில் திறன்பேசிகள்…
வாகனங்களின் அதீத பாவனைகள்…
உலக கலாச்சாரம்…
நாடுகளின் சங்கமம்…
நாடுகள் கடந்த வாழ்வு….
இப்படிப்போகும் எம்மவர்  வாழ்வு
இனி எப்படி போகவேண்டும்…?

சில கோவில்கள் அர்ச்சகர்களின்
கைகளில்…
சில கோவில்கள் முதலாளிகளின்
கைகளில்…
சில கோவில்கள்  அமைப்புக்களின்
கைகளில்…
முகாமை எப்படி இருந்தாலும்
அடியார்களுக்குரிய விதிகள்
ஒன்றாக இருக்க வேண்டும்…
மதவொழுங்குகள் நியமப்படுத்தப்பட்டதாக
இருக்கவேண்டும்...
இடம், நேரம், காலம், காலநிலை, நவீனம் போன்றன
மதவொழுங்கு நியமங்களுக்கு அரண்களாக இருக்க வேண்டும்.

விதிமுறைகளின் முரண்பாடுகள்
பக்தர்களுக்கான நாட்டத்தைப் போக்கும்…
 வேட்டியோடு வந்தவன் தான் பக்தன் என்றோ
பிற ஆடையுடன்  இருப்பவன் பக்தனாகான் என்றோ
முடிவுகளை எடுக்காதீர்கள்…
பக்தன் வேடமிட்ட கள்ளர்களே அதிகம்…
சாமி என்று தன்னைக் காட்டிக்கொண்ட கயவர்களே
அதிகம்…
எழுந்தபாட்டிற்கு முடிவெடுக்காதீர்கள்…

பிற  இனத்தவர், பிற மதத்தவர், பிற நாட்டவர்
மதிக்கக்கூடியதாக மதவொழுக்கங்கள்
அமையவேண்டும்….
ஆளாளுக்கு விதிகளைப்போடாமல்
சரியான விதிகளைத் தொகுங்கள்…
காலத்தோடு ஒத்துப்போகுமா என பாருங்கள்…
மாற்றங்கள் தேவையெனின் 
அனேகரின் ஆதரவோடு செய்யுங்கள்…
யாவருக்கும் பரப்புங்கள்…
கடைப்பிடிப்பவர்களை வாழ்த்துங்கள்…
மறுப்பவர்களின் காரணங்களை
கவனத்துடன் அலசுங்கள்
மேலும் பல உண்மைகள் தெரியும்…
செம்மையான மாற்றங்களை
மறுக்காமல் செய்யுங்கள்
மாற்றம் ஒன்றே மாறாதது…
மதம் மற்றவர்களுக்ளுப் பிடிக்காமல்
அனைவரும் பிடிக்கக்கூடியதாக
அது இருக்கவேண்டும்…



30-08-2016                            ஆ.கெ.கோ

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்