இந்த உலகில் ஒவ்வொரு நாடும், அந்நாட்டு மக்களும் தமது நாடு நல்லா வரவேண்டும். பொருளாதாரத்தில் சிறக்க வேண்டும். மக்களின் வாழ்க்கைத்தரம் உயரவேண்டும் என்ற நோக்கோடு தான் செயற்படுவார்கள். அவ்வாறே தமது நாட்டின் அரசியலை முன்னெடுப்பார்கள்.   நாட்டில் முன்னேற்றத்தை ஏற்படுத்தும் அரசையே மக்களும் தேர்ந்தெடுப்பார்கள்.  இவ்வாறான சூழலில் சில விரல்விட்டு எண்ணக்கூடிய   நாடுகள்   மட்டும் சரியான கொள்கைகளும், கோட்பாடுகளும், இல்லாமல் மக்களை ஏமாற்றி, தேவையில்லாத    விடயங்களை முன்நிலைப்படுத்தி, மக்களின் வாக்குகளைப்பெற்று, ஆட்சி என்ற பெயரில் நாட்டின் பொருளாதாரத்தை வீணடித்து, மக்களை மேலும் துன்பத்திற்குள் கொண்டுவந்துவிடுகின்றார்கள்..! அரசியல் வாதிகள் தான் மக்களையும், நாட்டையும் ஏமாற்றுகின்றார்கள் என்று பார்த்தால்   பெரும்பாலான மக்களும் அதே எண்ணத்தில் தான் இருக்கின்றார்கள்.   உண்மைக்கும், நியாயத்திற்கும் மரியாதையில்லை. நாடு, தரும் எவ்வளவோ நன்மைகளைப் நாம் பெற்றுவிட்டு, நாடு கஷ்டத்தில் இருக்கும்போது ஓட எப்படி மனம் வருகின்றது..? எமது நாட்டுக்காக போராட ஏன் மனம் வரமாட்டேன...

    வெயில் நாட்டில் மிகக்கடுமையாக உயிர்களை குறிப்பாக மனிதர்களை  தற்போது   வாட்டுகின்றது. வீடுகளுக்குள் இருக்க முடியவில்லை. நானும் வெளியில் எங்கும் போக முடியாமல், வேலைகளும் செய்ய முடியாமல் இருக்கும்போது ஏதாவது ஒரு படத்தைப் பார்க்கலாம் என்று இதுவரை பார்க்காத மாமனிதன் என்ற  டீவிடியில் இருந்த   படத்தை போட்டுப்பார்த்தேன். விஜய்சேதுபதி, காயத்திரி மற்றும் ஜோக்கர் குரு சோமசுந்தரம் போன்ற பலர் நடித்திருந்தார்கள். படம் மெதுவாக தொடங்கி, அன்பு, பாசம், காதல், நட்பு, நம்பிக்கை, பயம், துரோகம், சோகம்,   உதவி,   அர்ப்பணிப்பு, வைராக்கியம் மற்றும் மன்னிப்பு என அனைத்து உணர்வுகளும், கதையின் போக்கிற்கு தேவைப்பட்டுள்ளது..! அனைவரும் மிக அழகாக நடித்திருந்தார்கள். படம் தொடங்கும் முதல் காட்சியே   பொலிசிற்குப் பயந்து விஜய் சேதுபதி மறைவாக ஓடுகின்றார். அடுத்து, உதவி செய்யச்சென்று, மனைவியைப் பெற்று, அதனூடாக   குழந்தைகளைப் பெற்று, நிம்மதியாக போகும் வாழ்க்கையில், குடும்பத்திற்காக பணம் சம்பாதிக்க நினைக்க, கெட்ட நேரம் ஊரைவிட்டே ஓடவேண்டிய நிலை வருகின்றது. போதாததற்...

    சில வருடங்களுக்கு முன்னர் எனது அலுவலகத்தில் வேலைசெய்யும் ஒருவர் நெல்லிக்கன்றுகள் சிலவற்றை எனக்குத் தந்தார். அவற்றைப் பல இடங்களில் நட்டேன். இரண்டு கன்றுகள் மட்டும் நன்றாக வளர்ந்தாலும் ஒன்று மட்டுமே சிறப்பாகக் காய்த்தது.  அது எனது வீட்டின் முன்பக்கத்தில் இருப்பதால் பாடசாலைப்பிள்ளைகள் அந்த மரத்திலுள்ள காய்களை சாப்பிடட்டும் என்று விட்டுவிட்டேன். 5 அல்லது 6 முறை காய்த்துவிட்டது. நான் அதனைப்பற்றி கவலைப்படுவதில்லை. பள்ளிப்பிள்ளைகள்  தங்களுக்குள் போட்டிபோட்டு, அடிபட்டு, மரத்தில் ஏறி அவற்றைக் காலிபண்ணுவார்கள். பார்க்க சந்தோசமாக இருக்கும். இந்த முறையும் நன்றாகக் காய்த்துத் தொங்கியது. வழமைபோல் பிள்ளைகள் பிஞ்சாக இருக்கும் போதே   கொப்பை முறித்து, சில காய்களை மட்டும் ஆய்ந்துவிட்டு அப்படியே மரத்தில் விட்டுவிட்டார்கள். ஒரு 3 கிலோ அளவிலான நெல்லிக்காய்களை நான் அக்கொப்பிலிருந்து ஆய்ந்து, மனைவியிடம் கொடுத்து, இதனை நெல்லி ஊறுகாயாகப் போடச்சொன்னேன். அவரும் கொஞ்சத்தை ஊறுகாயாகப் போத்தலில் அடைத்து வைத்தார். இரண்டு மூன்று முறை ரசித்து அவற்றை நான் உணவோடு உண்டேன். தம்பிக்கும் ஒரு ...

 

    மனிதர்கள் எல்லோரும் தனித்தன்மை கொண்டவர்கள் என்பதை நம்புவது கடினம் என்றாலும் அது தான் உண்மை. ஒரு இரட்டையர்களை எடுத்தால் கூட அவர்களுக்கு இடையில் பல ஆயிரம் வேற்றுமைகளைக் காண முடியும்..! அதேபோல் எல்லா மனிதர்களுக்குள்ளும் நல்ல மனமும் கெட்ட மனமும் இருந்தேயாகும். ஆனால், நல்லறிவு பெற்றவர்கள் மட்டுமே நல்ல மனத்தை வலுப்படுத்தியும்,   கெட்ட மனத்தை பலவீனப்படுத்தியும் வைத்திருப்பர். அதனாலேயே அவர்களை சமூகம் நல்லவர்களாகப் பார்க்கின்றது. இவ்வாறாக நல்லவனாகவரப் போராடுகின்றான் ராகுலன். தன்னை எவ்வளவிற்குச் செதுக்க முடியுமோ அவ்வளவு செதுக்கி, ஒரு நல்ல உயர்ந்த பதவியில் வந்து அமர்கின்றான். அலுவலகத்தையும், குடும்பத்தையும் சமநிலைப்படுத்தித் தன்வாழ்க்கையைக் கொண்டுசெல்கின்றான். பெரியவீடு, கார், வசதிகள், பணம், பிள்ளைகள், மனைவி எல்லாம் அவனுக்கு இறைவன் அருளால் கிடைத்திருக்கின்றன. ஆனால் அவன் மட்டும் என்றும் ஒரு வித வேறுபட்ட வாழ்க்கைப் பயணத்தையே நடத்துகின்றான். அவனால் எல்லோரும் நன்மையடைகின்றார்கள். ஆனால் அவனுக்கு நன்மையளிக்க எவரும் நினைப்பதில்லை. இது கடவுளின் செயலோ என்பதும் தெரியாது..! ...

  பெற்றோர்கள் சின்னச்சின்ன விடயங்களைப் பெரிது படுத்துவதால் குடும்பங்களுக்குள் நெருக்கங்கள் குறைவதுண்டு. அவ்வாறான நிலைமை எனது தாயாரின் குடும்பத்திற்குள்ளும் நடந்துள்ளது. மிகவும் நெருங்கிய உறவாக இருக்க வேண்டியவர்கள்  பகையாளிகள் போல் தள்ளிப்போய்விட்டார்கள். பலரது முகங்களும், அவர்களின் மதிப்பும் தெரியாமலே போய்விட்டது. காலங்கள் பல போய்,   பகைகளை வளர்த்தவர்கள் மறைந்து போக, சிலரே எமக்குத் தெரிந்தவர்களாக இருக்க முடியும். அவ்வாறான ஒரு உறவே மணியம் அங்கிள். உண்மையில் எனது தாயாரின் மச்சான். ஆனால் தொடர்பில்லாமல் போய்விட்டது. எனது தாயாருக்கு   70 வயதுக்குப் பிறகே இவ்வாறான உறவுகள் தொடர்பான பற்றுப் பாசம் வந்துள்ளது. அதன் வாயிலாக நமக்கும் அது வந்துள்ளது.   எனது தாயாரின் மூத்த சகோததர் மட்டுமே ஒரு இணைப்பாக இருந்து, இப்படியான உறவுகளைக் காட்டினார்.   அதன் பிறகு நாமும் எம்மால் முடிந்தளவு அவற்றைப் பேண முயல்கின்றோம்.   இந்த சூழலில் கடந்த மாதம் காலமான மணியம் அங்கிளின் அந்தியேட்டி இன்று நடந்தது. மரண வீட்டிற்கும், அந்தியேட்டிக்கும் லீவு போட்டு, எனது தாயாரைக் கூட்டிசென்றேன். ...

  இன்று பல, மனதிற்கு மகிழ்வைத் தரும் நிகழ்வுகள்   நடந்தன.   அதில் முக்கியமானது மகளின் பிறந்த நாள் கொண்டாட்டமும், சிற்றூண்டிகள் பரிமாறலும்..! எனது மூத்த மகள் பிறந்து, இந்த வருடத்துடன் தனது கட்டிளமைப்பருவத்தைத் தாண்டி ஒரு யுவதியாக மாறுகின்றாள்.   சுருக்கமாகச் சொன்னால் 19 வயதைக் கடக்கின்றாள். இனி ஒரு முதிர்ச்சியான பெண்ணாகவே அவளைக்கருத வேண்டும். காலம் கிடு கிடுவென ஓட கைகளில் குழந்தையாகக் கிடந்தவள் எனக்கே அறிவுரை சொல்லும் அளவிற்கு குமரியாக வந்துவிட்டாள்.   அவளிற்கு எனது மனமார்ந்த பிறந்தநாள் வாழ்த்தை   தெரிவித்துக்கொண்டேன். அவளுக்குப் பிடித்த வகையில்   எளிமையாகவும், இனிமையாகவும் அவளது பிறந்த நாளைக் கொண்டாடி, அவள் பேரில் எமக்குப் பிடித்த பண்டங்களை உண்டு வயிற்றை நிரப்பினோம். அருகிலுள்ளவர்களையும், உறவுகளையும் மகிழ்விக்க அவ்வாறே செய்தோம். போன் கூட பொறுமை இழக்கும் அளவுக்கு அதனை முழு நேரக்கமராவாக மாற்றினோம். மகளும் விடுவதாய் இல்லை. தன்னால் முடிந்த அளவு போனுக்குள் தன்னைப் புதைத்துக்கொண்டாள்.   ஏறக்குறைய இரவு 10.00மணிவரை   புதைத்தல் நடந்தது.  ...

  அண்மைக்காலமாக நாட்டின் பொருளாதார வீழ்ச்சியால் பல விடயங்கள் தடைப்பட்டுள்ளன. மக்களிடம் பணப்புழக்கம் குறைந்துள்ளது. இம்முறை புத்தாண்டுக்காக வாங்கப்பட்ட வெடிகள் மற்றும் வாணங்கள் மிகக்குறைவாகவே எனக்குப்பட்டது. நான் கூட 3 வெடிகளுடன் புத்தாண்டை முடித்துக்கொண்டேன். புத்தாடைகள் அணிவதும், உறவுகளுக்கு கொடுப்பதும் குறைந்துள்ளது.   இதேநிலை எங்கும் இருந்துள்ளதா என்பது தெரியவில்லை. எனது ஊரிலும், அண்மைய கிராமத்திலும் நிலை இவ்வாறாகவே இருந்தது. புத்தாண்டை முடித்துக்கொண்டு ஒருவாறாக அலுவலகம் போகும் போது, அங்கும் புதுவருட நிகழ்வுகள் ஏற்பாடு செய்யப்பட்டு இருந்தன. எனக்கும் ஒரு பொறுப்புத் தரப்பட்டது. நிறுவனத்தலைவர் என்ற வகையில் அதனை நான் தான் செய்ய வேண்டும். அதனைத் தவிர்ப்பது அழகல்ல. அந்த வகையில் கைவிசேடம் அளிப்பதற்கான அனைத்து ஏற்பாடுகளையும் முற்கூட்டியே செய்து வைத்தேன். என் வாழ்நாளில் ஒரு முறையும்   பணத்தின் புதுத்தாள்களை வங்கியில் பெறவில்லை. இம்முறை எமது நிறுவனத்திற்காக அதனைப்பெற்றேன். அத்துடன் நான் உற்பத்தி செய்த வெற்றிலை மற்றும் பாக்குகளையும் தயார் செய்தேன். மேலும் எனது தாயாரின் உற்பத்தி...

 

    பொதுவாக நாம் உயிர்கள் என்றால் அசையும் உயிர் இனங்களையே உயிராக மதிக்கின்றோம். இடம்பெயராத உயிர் இனங்களாகத் தாவரங்கள் இருக்கின்றன. சில தாவரங்கள் மட்டும் இருந்த இடத்திலே அசையும் தன்மை கொண்டதாக இருக்கின்றது. சாதாரண பூச்சிகளை உண்ணும்  தாவரங்கள் முதல் பெரிய விலங்குகளையே உண்ணும்  மாமிச  தாவரங்களும் பூமியில் இருக்கின்றது என்றால் வியப்பதற்கு ஒன்றும் இல்லை. இவ்வாறான தாவரங்கள் தொடர்பான ஆய்வுகளில் ஈடுபட்டு வருகின்றான்  மலரவன் .   மலரவனோடு பல்கலைக்கழகத்தில் படித்த தோழியான தேன்மொழியும் அதே தாவரங்கள் தொடர்பான ஆய்வுகளிலே ஈடுபடுகின்றாள். தென் ஆபிரிக்க காடுகளில் வளரும் மான்விழுங்கி என்று சொல்லப்படும் டியரோகில்லர் என்ற ஒருவகை மரம் விலங்குகளை உணவாக எடுப்பதை அறிந்து அந்த மர வகையில் ஒரு மரத்தை வெட்டிகொண்டுவர ஒரு நிறுவனத்திடம் கட்டளைபிறப்பிக்கின்றாள் தேன்மொழி. நிறுவனம் ராமர் மற்றும் துரை  என்ற இருவரை அந்த வேலையைச் செய்யப்பணிக்கின்றது. மரத்தைத்தேடி தென்னாபிரிக்கா போனவர்கள் பல நாட்களாக வரவில்லை.   நிறுவனத்திடம் விசாரிக்க, அவர்களும் இருவரை அந்தப்பணிக்கு நி...

    அண்மைக்காலமாக எனது வாழ்வில் நடக்கும் சம்பவங்கள் மிகுந்த ஆச்சரியத்தை எனக்கு ஏற்படுத்துகின்றன. சில விடயங்கள் நான் நினைப்பதைவிட வித்தியாசமாக நடக்கின்றது. கொரோனா, அதைத்தொடர்ந்த உக்ரேன் – ரஷ்யப்போர் என்பன முழு உலகத்தையும் பாதித்தன. ஆனால் இலங்கையை இன்னும் ஆழமாகப் பாதித்தன. அதற்கு எமது மக்களின், செயற்பாடுகளும், அதற்கேற்ற அரசியல் வாதிகளின் சாகசங்களும் மக்களை அடிநிலைக்கு கொண்டுவந்தன. சாதாரண மக்கள்   வாழமுடியாத நிலைக்கு நாட்டின் பொருளாதாரம் வீழ்ந்து இருந்தது. இந்தச் சூழலில் பலர் நாட்டைவிட்டு வெளியே செல்ல முடிவெடுத்தார்கள். நான் கூட அந்த எண்ணத்திற்கு சில தடவைகள் வருவதுண்டு. பின்னர், ஒவ்வொரு நாடுகளிலுமுள்ள சாதக பாதகங்களை அலசும்போது, இங்கிருந்து போராடுவதே சிறந்தது எனத்தோன்றும். பின்னர் முடிவை மாற்றி, அதற்கேற்ப சூழலையும் தயார்படுத்துவேன். இப்போது நிலைமை மிக மோசமாக மாறியுள்ளது. சில நாட்களுக்கு முன்னர் எமது நிறுவன உதவிப்பதிவாளரும், திடீரென சம்பளமில்லா லீவை பெற முயற்சித்தார். அதற்கு நானும், கணக்காளரும் ஒத்துக்கொண்டோம். இருந்தாலும் மேலிடம் ஒப்புக்கொள்ளவில்லை. இவ்வாறு போவதால் நாட்...

  சுமார் 200,000 ஆண்டுகளுக்கு முன்னர் மத்தியபுரி என்ற நாட்டை பாண்டுகாயன் என்ற ஒரு மாமன்னன் ஆண்டு வந்தான். அவனது மனைவியான ராணியை வேணுகாதேவி என்று அந்நாட்டு மக்கள் அழைப்பார்கள். அந்த மன்னனுக்கு சம்மேகா மற்றும் சுகந்தன் என்ற இரு பிள்ளைகள் இருந்தார்கள். அந்த நாட்டையும், அந்த நாட்டைச்சுற்றியுள்ள  நாடுகளான  வடபுரி , வலம்புரி, தென்புரி மற்றும் இடம்புரி  என்ற நான்கு நாடுகளின் மன்னர்களையும் தனது கட்டுப்பாட்டில் வைத்திருந்தான்.  அது மாத்திரமன்றி இந்த ஜந்து நாடுகளிலும்  “ சாருயா” என்று அழைக்கப்படும் இறைவனைக் கொண்ட மதமான “ சாருகீயம்” என்பதனையே அனைவரும் பின்பற்றிவந்தார்கள். இந்த இணைந்த 5 நாடுகள் மேல், உலகிலுள்ள அனைத்து நாடுகளுக்கும் ஈர்ப்பு இருந்தது. இந்த நாடுகளில் மத்தியபுரி கடல் மட்டத்தில் இருந்து ஏறக்குறைய 5000 அடி உயரத்திலும், மற்றைய நான்கு நாடுகளும் ஏறக்குறைய கடல்மட்டத்திலும் இருந்தன. மலைப்பாங்கான பகுதியில் மத்தியபுரி இருப்பதாலும், இயற்கை அரணைக்கொண்டமைந்ததாலும் யாராலும் அந்நாட்டை கைப்பற்ற முடியவில்லை. கடல் வளம் தவிர்ந்த ஏனைய சகல வளங்களும் அந்நாட்டில் இரு...

 

 

    சுகாஷ் என்பவன் பாடசாலையில் உயர்தரம் படித்துக்கொண்டிருந்தான். அவனது குடும்பத்தில் தாய் மட்டுமே இருக்கின்றாள். அவனைப்படிக்க வைப்பதே அவளின் முக்கிய கடமையாக இருக்கின்றது. சுகாஷ் பாடசாலைக்கு சைக்கிளில் செல்வது வழக்கம்.  பழைய  அந்தச்சைக்கிள் கறல் பிடித்துள்ளது. இருந்தாலும், அதனை  மிதித்துப் பாடசாலைக்கு  சந்தோசத்துடன்  போய்வருவான். ----------------------------------------------------- குறித்த அதே பாடசாலையில், சமூகத்தில் நல்ல மரியாதைகொண்ட குடும்பத்தில் பிறந்த ரம்மியா என்பவளும் உயர்தரம் படித்துக்கொண்டிருந்தாள்.   மிகவும் அழகான தோற்றம் கொண்ட ரம்மியா படிப்பிலும்   கெட்டிக்காரி. அவளது பெற்றோர் மற்றும் சகோதரங்கள் எல்லோருமே அந்த ஊரின் மதிப்பு, மரியாதைக்கு உரியவர்களாகும். பொருளாதாரத்திலும் அவர்கள் வலுவாகவே இருந்தார்கள். பொதுவாக நல்ல வசதிகள் இருந்தாலும், ரம்மியா பாடசாலைக்கு பஸ்ஸிலேயே போவாள். ----------------------------------------------------- சுகாஷ் சைக்கிளை மிதித்துக்கொண்டு பாடசாலைக்குப் போகையில் பஸ்ஸில் போகும் ரம்மியாவை பார்த்துக்கொண்டே...

  சில படங்கள், படம் தொடங்கும் போது நல்ல நம்பிக்கையைத் தந்துவிட்டு, படம் போகும் போது கொலைகளையும், போதைவஸ்துக்களையும், சண்டைகளையும் தொடர்ந்து காட்டி வெறுப்பேற்றிவிடும். இந்தப்படத்திலும் இதனைச் செய்துள்ளார் இயக்குனர் வசந்தபாலன். இறுதியில் காட்டப்பட்ட முடிவும் பொருத்தமாக இருக்கவில்லை. வெயில், அந்தாடித்தெரு போன்ற சிறந்த படங்களைத் தந்த இந்த இயக்குனர் கோட்டைவிட்டது ஆச்சரியம். சொந்த இடங்களிலே அகதிகளாக அலையும் அபலை மக்களாக காவேரி நகர மக்கள் தொடர்பாக வேறுநல்ல விடயங்களைப் பற்றிப்பேசி, அப்படியான   மக்களுக்கு தீங்குகள் செய்யாது, அரசு எவ்வாறு உதவமுடியும் என கதையூடாகச் சொல்லியிருக்கலாம். இங்கு மக்களை, குறிப்பாக அப்பிரதேச இளைஞர்களை அடிபடவிட்டு, போதைப்பொருள் கடத்துவதும், கொள்ளையடிப்பதும், தண்ணியடிப்பதும் எனக்கெட்ட விடயங்களை காட்டி கதையில் ஒன்றிக்க   விடாமல் தடுக்கின்றார். நடிப்பு என்று பார்த்தால் ஜி.வி.பிரகாஷ், ராதிகா, அபர்ணாதி, போன்றோர் நன்றாக நடித்துள்ளனர். பாடல், இசை, ஒளிப்பதிவு, எடிரிங் எல்லாம் சிறப்பாக இருந்தும்   கதைகவர மறுக்கின்றது. வன்முறைக்காட்சிகளும், காதல் காட்சி...