பத்துதல..!

-

 


 

சிலம்பரசன் நடித்த இந்தப்படத்தில்  ரத்தம் பல இடங்களில் தெறிக்கின்றது..! தலை துண்டாகி விழுகின்றது..! கைகள் வெட்டப்படுகின்றன..! தனியாளாக எல்லாரையும், சுட்டும், கத்தியால் வெட்டியும், குத்தியும் கொல்லும்  கதாநாயகி இல்லாத வயதான கதாநாயகனாக சிலம்பரசன் நன்றாக நடித்துள்ளார். வன்முறைகள் அதிகம் என்பதால் என்னால் பல காட்சிகளை ரசிக்க முடியவில்லை.

இங்கு நல்லது செய்வதற்கு ஒரு கெட்ட முகம் தேவைப்படுகின்றது என்று  சொல்லி, நல்லதுக்காகக் கெட்டதுகள் பல செய்கின்றார்.

ஹீரோ இடைவேளைக்கு கிட்டவாக வந்து இறுதிக்காட்சி வரை தொடருகின்றார்.

இதற்கு முதலே படத்தின் இன்னொரு ஹீரோவான கௌதம் கார்த்திக் படம் தொடங்கியதில் இருந்து, இடைவேளைவரை அதிக காட்சிகளிலும், பின்னர் குறைவான காட்சிகளிலும் வந்து, நிறைவாக நடிக்கின்றார்.  இவருக்கு ஜோடியாகப் பவானி சங்கர் வருகின்றார். சில காட்சிகள் என்றாலும் மனதில் நிற்கின்றார். அதேபோல் சிலம்பரசனின் சகோதரியாக நடித்தவரும் நவீன பாசமலர் சாவித்திரிபோல்  நடித்துள்ளார். அவரது மகளாக நடித்த சிறுமியும், இடையிடையே வந்துசென்ற, சண்டைகளால் நொந்தவர்களை கொஞ்சம் மகிழ்ச்சிப்படுத்தினார்.

நடிகர் ஆரியாவின் மனைவி சாயிஷாவும், ஒரு பாடலுக்கு கவர்ச்சி ஆட்டம் போட்டு, ரசிகர்களையும் பரவசப்படுத்தினார்.

ஏ.ஆர்.ரகுமானின் இசை பல இடங்களில் ரசிக்க வைக்கின்றது. ஒளிப்பதிவும் சிறப்பு.

இப்படியான கதைகளைப்  பலமுறை பார்த்தாலும், ரசிகர்களுக்குப் பிடிக்கும் என்ற நம்பிக்கையில் ஸ்ரூடியோ கிறின் ஞானவேல்ராஜா தயாரிக்க, அதனை ஒபெலி என் கிருஷ்ணா  என்பவர் இயக்கியுள்ளார்.



2023இல் வெளிவந்த இப்படம் சிலம்பரசனுக்கு வணிகரீதியில் ஒரு வெற்றிப்படமாக அமைந்துள்ளது. மாநாடு, வெந்து தணிந்தது காடு மற்றும் பத்துதல என வெற்றிபெறுவது  நீண்டகாலத்திற்குப்பிறகு, அவருக்கு நம்பிக்கையைக் கொடுக்கும் என்பது மட்டும் நிச்சயம்.

இனியாவது குடும்பம், குட்டிகள் என்று செட்டிலாகி அவரும் நிம்மதியாக இருந்து, அவரது ரசிகர்களும் நிம்மதியாக இருக்கக் காலம் வழிவிட வேண்டும்.

 

ஆ.கெ.கோகிலன்

24-07-2023

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் ...
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை...
மேலும் படிக்கவும்

நானும் தொழில் நுட்பங்களும்..!

-
படம்
    நான் பிறந்த 60களின் கடைசியில் எமக்கு கல்வீடே கிடையாது..!   அந்தச்சமயத்தில் பகுதி மண் வீடோ அல்லது மண்வீடோ இருந்தது. ஆனால் இரவு விளக்குகள் எரியும். மண்ணெண்ணை அல்லது தேங்காய் எண்ணெய் விளக்குகளே அதிகம் பயன்பட்டது.   எல்லோரும் கூட்டமாக இருந்து கதைப்போம். சிறுவர்கள் அங்கும் இங்கும் ஓடி விளையாடுவார்கள். வீட்டில் பொழுது போக்குகள் கிடையாது. பெரிவர்கள் அவர்களது வேலைகளைச் செய்வார்கள். 10 மணிக்கு முன்னரே அனைவரும் படுத்துவிடுவார்கள். காலை 4 மணிக்கு முன்னரே எழுந்துவிடுவார்கள். சாப்பாடுகள் பல மாதிரியும் இருந்தாலும், பழைய சோறு அல்லது பழஞ்சோறு, பழம்தண்ணீர் என்பன   நிறைவான உணவு. இரவு மிச்சங்கள் எல்லாம் அடுத்தநாள் உணவில் தோன்றும். வருத்தங்கள் வருவது குறைவு. அந்தக்காலத்தில் நிறைவும் நிம்மதியும் இருந்தன என்றால் மிகையாகாது..!   70 தொடக்கங்களில் கல்வீடு வந்தது..! நான் தவழும் காலத்தில் கல்வீடு வந்தது. இருந்தாலும் விளக்குகள் இருந்தன. வீட்டின் ஒரு பகுதியில் வெங்காயக் கட்டுகள் தொங்கிக்கொண்டிருந்தன. இன்னோர் பகுதியில் பூசனிக்காய்கள் அடுக்கி வைக்கப்பட்டிருந்தன. அம்மா, அப்பா,...
மேலும் படிக்கவும்