பேப்பர் ராக்கெட்(Paper Rocket)

-

 



எனது வாழ்வில் நடந்த பல சம்பவங்கள் இந்தப்படத்தில் இருக்கின்றன..! மிக ஆச்சரியமான விடயம் என்னவென்றால் நான் சில படங்களை தேர்வு செய்து பார்க்கும்போது, அதனூடாக ஏதோ ஒர் செய்தியை இயற்கை உணர்த்துவதாகக் தோன்றுகின்றது. இது உண்மையில் நடக்கின்றதா..? அல்லது அப்படியான எண்ணத்தை இயற்கை  உருவாக்குகின்றதா..? என்பது தெரியவில்லை.  இத்திரைப்படம் மனதைப் பல முறை கலங்க வைத்துவிட்டது. இயக்குனர் தமிழக முதல்வரின் மருமகள்,  பல் முகம் கொண்ட உதயநிதியின் மனைவியான கிருத்திக்கா என்பவர் தான். சாதாரண இயக்குனர்களை விட தான் ஒரு வித்தியாசமான பார்வை கொண்டவர் என்பதை இந்தப்படத்தினூடாகக் காட்டியுள்ளார்.

பல நபர்களின் உளவியல் அடிப்படையிலான பிரச்சனைகளும், அதற்கு டொக்டர் சொன்ன அறிவுரையும், Group Session என்பதன் ஊடாக ஏற்படும் அறிமுகங்களும், அவர்களுக்கான தீர்வுகளும் எனப்படம் பிரச்சனைகளும், தீர்வுகளும் என்ற வடிவில் செல்வதால் எல்லோருக்கும் ரசிக்க முடிகின்றதா என்பது ஒரு கேள்விக்குறி தான். ஆனால் படத்தில் இருக்கும் பல உளவியல் பாடங்கள் எனக்கு வேண்டியதாக உணர்கின்றேன்.

மரணம் என்பது  பற்றி அதிகம் அலசப்பட்டது இந்தப்படத்தில் தான் என்பது எனது அபிப்பிராயம். ஒரு பிடிப்பு அல்லது பற்றுப் போதும் உயிரைப்பிடித்துக்கொண்டு வாழ என்ற உன்னத கருத்தையும் படத்தில் வைத்துள்ளார் இயக்குனர் கிருத்திக்கா. பெண் இயக்குனர் என்பதால் அவரின் பார்வையில் ஆண், பெண் சமம் என்ற ரீதியில் படத்திலுள்ள கதாபாத்திரங்கள் வடிவமைக்கப்பட்டுள்ளன..!

சாவு வண்டியில் போகும் சுற்றுலாவும், அதனூடாகத் தந்தையின் ஆசையை போக்கும் தனயனும், இறுதிப்பயணத்தை மேற்கொள்ளும் புற்றுநோயால் பாதிக்கப்பட்ட வயோதிபப்பெண்ணும், சின்னவயதுக்காதலியிடம் மன்னிப்புக்கேட்கச் செல்லும் மூளையில் கட்டி இருப்பதால் மரணத்தை எதிர்பார்க்கும் ஒரு காதலனும், கண்டிப்பான வளர்ப்பாலும், நட்புக்களையே வைக்கமுடியாத சூழலில் PhD வரை படித்து, உலக வாழ்க்கையே மாயம் என்பதை உணர்ந்து, அதில் இருந்து விலத்த மரணத்தை தேடும்  புத்தக அறிவுள்ள நபரும், நீச்சலில் சாதிக்க நினைத்து, விதியின் வலிமையால் நடக்க முடியாமல் தவிப்பதுடன், பாசத்திற்காக தாத்தா, பாட்டியை  நாடும்  இளம் பெண்ணும், சிறுவயதுப் பாலியல் துஷ்பிரயோகத்தால், கோபத்துடன் கொந்தளிக்கும் குமர்பெண்ணும்,  பணம் பணம் என்று ஓடிக்கடைசியில் ஒன்றும் கிடையாது என்ற உண்மையை உணர்ந்த நாயகனையும் சுற்றிக்கதை பின்னப்பட்டுள்ளது.

காளிதாஸ் ஜெயராம், தன்யா எஸ் ரவிச்சந்திரன், கருனாகரன், மற்றும் 96 படப்புகழ் கௌரி ஜி. கிசான் எனப்பலர்  நடித்துள்ளனர்.  எல்லாருடைய நடிப்பும் கலங்க வைக்கின்றன. படத்தின் ஒளிப்பதிவு, பின்னணி இசை போன்ற தொழில்நுட்ப விடயங்களும் ரசிக்க வைக்கின்றன.

வாழ்வின் நோக்கமே பிறருக்காக வாழ்வதே..! மகிழ்ச்சியாக இருப்பதே..!

உறவுகளை அன்புடன் கூட அழைத்துச்செல்வதே..!  பணத்தின் தேடலை ஒரு நிலையில், குறைத்து உறவுகளைத் தேடுவதே..! போன்ற பல நல்ல கருத்துக்களை இப்படம் விதைத்துள்ளது.

போற  போக்கில் நுளம்பு, கரப்பான்பூச்சி, மசுக்குட்டி, எலி, தேள், மட்டத்தேள், பூரான், பாம்பு, கோழி, ஆடு, மாடு, பன்றி, கடல்வாழ் உயிர்கள், தாவரங்கள் என எத்தனை  உயிர்களைக் கொலை செய்துவிட்டு, இயல்பாக உத்தமர்கள் போல் வாழ்வது,  எவ்வளவு வேடிக்கையானது..!

இந்தப்படத்தை ஒரு உளவியல் பாடமாக உசாத்துணைப்படுத்தலாம்..! அந்தப்பாடத்தை எடுத்த  கிருத்திக்காவிற்கு எமது பாராட்டைத் தெரிவிக்கலாம்.

 


ஆ.கெ.கோகிலன்

08-07-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்