கடமையைச் செய்..!

-

 


நாம் வாழ்க்கையில் எவ்வளவோ முயற்சிகள் செய்திருப்போம். அதற்கான பலன்கள் உடனே கிடைக்காவிட்டால் சோர்ந்து போவோம். கடமையைக் கூட செய்ய மனமில்லாமல் தவிப்போம்.  எமக்கு என்று ஒரு கடமை, தரப்பட்ட சந்தர்பத்தில், எதிர்பார்த்த பலன் கிடைக்காவிட்டாலும், நாம் செய்ய வேண்டிய சேவையைச் செய்தே ஆகவேண்டும். 

ஆனால் உண்மையில் செய்கின்றோமா..? இதற்கான பதிலில் இருந்தே இந்தப்படத்தின் கதை பிறந்துள்ளது. எமது தகுதிக்கான வேலை கிடைக்காவிட்டாலும், எமக்கும் அந்த வேலைக்கும் ஏதாவது தொடர்பு இருக்கலாம். அல்லது எமது சேவை  அங்கு தேவைப்படலாம். இதற்காகவேனும் அந்தவேலை எமக்கு கிடைத்திருக்கலாம். சில விடயங்கள் எமக்குப்புரியாவிட்டாலும்,  இயற்கைக்கு அது புரிகின்றது. காலம் போகப் போகத் தான், அவை எமக்குப் புரியலாம். சில சமயம் புரியாமலே போகலாம்..!

இந்தப்படத்தில், ஒரு கட்டிடப்பொறியியலாளர் வேலையில்லாமல் பாதுகாப்பு ஊழியராகக் கடமையாற்றும்போது அந்தக்கட்டிடத்தின் தன்மையை அறிந்து அங்கு வசிப்பவர்களுக்கு எச்சரிக்கை செய்யமுன்னர், அதைவிரும்பாதவர்களால் தாக்குதலுக்கு உட்பட்டு, உடல் அசையமுடியாமல், கதைக்க முடியாமல்  இருக்கின்ற நிலையில்  எப்படியாவது அந்தக்கட்டிடத்திலுள்ள மக்களை காப்பாற்றத் துடிக்கின்றார்..!

அவர் எண்ணம் எப்படி நிறைவேறியது..? என்பதே மீதிக்கதை. நாயகன் S.J. சூரியா சிறப்பாக நடித்துள்ளார். அவரைவிட இந்தபாத்திரத்திற்குப் பொருத்தமான நபர் கிடையாது. யசிகா ஆனந்த் , வின்சென்ட் அசோகன், சார்ள்ஸ் விநோத், மொட்டை இராயேந்திரம், மற்றும் மோகன் வைத்தியா போன்ற பலர் நடித்திருந்தார்கள். அவர்கள் எல்லோருடைய நடிப்பும் சிறப்பாக இருந்தது. தொழில்நுட்பப்பிரிவினரும் தரமாகச் செய்துள்ளார்கள்.  இப்படத்திற்கான கதையை எழுதி, இயக்கியுள்ளார் வெங்கட் ராகவன். அத்துடன் சில காட்சிகளிலும் நடித்துள்ளார்.

இயக்குனர் வெங்கட் ராகவன்

சில புதுமையான காட்சிகளை வைத்துள்ளார். குறிப்பாக நாயகன் வாயால் கதைக்க முடியாமல், உடல் பாதிக்கப்பட்ட நிலையில்  பகுதி உடல்மொழி மூலம், கதைப்பது ஆச்சரியமாக இருந்தது. ஹப்பர் அக்டிவேட் ஆகும்போது, அவர்போடும் சண்டைக்காட்சிகள்  சிறப்பு. அதுமாத்திரமன்றி, வித்தியாசமாக இருந்தன. நாயகிக்கும் சிறப்பாக நடிக்க வாய்ப்புக்குறைவு. இருந்தாலும், கொடுத்ததைச் சிறப்பாகச் செய்துள்ளார். அனைவரும் தமது கடமையைச் சிறப்பாகச் செய்துள்ளார்கள்.  நாமும் ரசனையுடன் பார்த்தால், படம் நன்றாகவே இருக்கும்.

 


ஆ.கெ.கோகிலன்

28-02-2023.

 

 

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்

இயற்கை தந்த வலி..!

-
படம்
  இறைவன் சிலருக்கு உயர் பதவிகளைக் கொடுப்பது அவர்களது திறமைகளைக் காட்டிலும், சமூகம், மக்கள், நாடு, மற்றும் உலகம் தொடர்பான ஒரு நியாயமான பார்வை அவர்களுக்கு இருப்பதே என்பது எனது எண்ணம். அந்த வகையில் தான் நானும் தற்போதுள்ள பதவிக்கு வந்துள்ளேன். பணம் சம்பாதிப்பதோ அல்லது சில அதிகார வலுவுள்ள மக்களின் நட்பைப் பேணுவதோ எனது நோக்கம் கிடையாது. நான் யாரையும் நம்பிப் பிறக்கவில்லை. என்னால் இயன்றவரை யாருக்கும் தீங்கு செய்யாமலும், யாராவது தீங்கு செய்தால், இலாவகமாக அதில் இருந்து தப்பித்து, எனது வாழ்க்கைப்பயணத்தை தொடரவே விரும்புவேன். யாருக்கும் பழிப்பழி செய்ய எனக்கு விருப்பமில்லை. அந்த வழியில் செல்பவர்களுக்குத் தெரியும் அதற்கு முடிவே இல்லை என்பது..! ஆதலால், இயற்கையைப் பாதிக்காக, இறைவனுக்கு பிடித்த மாதிரி வாழ்வதே எனது விரும்பம்.   நேற்று இயற்கையைப் பாதுகாக்க, குறிப்பாக கடும் வறட்சியால் வாடியுள்ள தாவரங்களுக்கு நீர் விட்டுக்கொண்டிருக்க, பல தேனிகளோ அல்லது குளவிகளோ தெரியாது, கண்பார்வை குறைவு,   கடித்துவலியை ஏற்படுத்தின..! கை, இடுப்பு, முதுகில் தடம் பதித்தன. கண்ணாடி அணியாததால், அவை என்ன மாதிரியான பூச்சிகள்
மேலும் படிக்கவும்