நேர முகாமை..!

-

 



இன்று காலை 7.00 மணிக்கு நண்பரின் வீட்டில் நிற்கக்கூடியதாக எனது கடமைகளைச் செய்து, அவர் வீட்டிற்கு வரும்போது சொன்னார் ”கொஞ்ச நேரம் மெனக்கடவேண்டியிருக்கும் பராவாயில்லை தானே என்று..! ” நானும் வேறுவழியின்றி, பரவாயில்லை என்று சொல்லிவிட்டு, எத்தனை மணிக்கு கீரிமலைக்குப் போகக் கூடியதாக இருக்கும் எனக்கேட்க  ”7.30 அல்லது 8.00இற்குள் போகலாம்..” என்றார். ஆனால் 8.00 மணி தாண்டும்போது தான் புரிந்தது தற்போது போகும் எண்ணமில்லை.  நண்பரின் தமையனும் எனது நண்பரே. அவரும் சொன்னார் ”சடங்குகள் செய்வதற்கு, சோறு, பொங்கல், வெண்பொங்கல், ரொட்டி போன்றன இன்னும் செய்யவில்லை. செய்துகொண்டு தான் போகலாம்..”  நான் நினைத்தேன் இன்று 10.00 மணிக்குக் கூடப் போகமுடியாது போலும் என்று..! மனைவி சரியாக காலை 11.00 மணிக்கு சாமத்திய வீட்டுக்குப் போகக்கூடிய வகையில்  வரச்சொன்னார். வேறுவழியில்லாமல் நண்பருக்கும், அவரது அண்ணருக்கும் போகும்போது மட்டும் உங்களுடன் கீரிமலைக்கு வருவேன். ஆனால் மனைவியிடம் இருந்து அழைப்பு வந்ததும் இடையில் வெளிக்கிட்டு போய்விடுவேன்.  கீரிமலையில் இருந்து வரும்போது, நீங்கள் அமர்த்திய குளிர்சாதன வசதியுள்ள குளு குளு வண்டியில் வாருங்கள் என முன்னரே சொல்லி, எனது நிலைப்பாட்டையும் தெளிவுபடுத்தினேன்.

ஆனால் ஆச்சரியம், எல்லா அலுவல்களும் மிகவிரைவாக முடிந்து காலை 9.00 மணிக்குள் கீரிமலைக்குச் சென்றுவிட்டோம். 10.30இற்குள் சடங்குகள் நிறைவடைந்து, ஜயருக்கும் தட்சணை கொடுத்துவிட்டு, உடனடியாகக் கேணியில் குளித்து, அவர்களிடம் சொன்னது போல் அனுமதிபெற்றுக்கொண்டு 11.00 மணிக்கு வீடுவந்துவிட்டேன். பின்னர் நல்ல தண்ணீரில் மீண்டும் குளித்து, 11.30இற்கு வெளிக்கிட்டு, 11.45இற்கு கிட்ட ராஜா  ஹோலிலுள்ள சரஸ்வதி மண்டபத்திற்கு வந்துவிட்டேன். அங்கே சடங்குகள் மெதுவாக நடந்துகொண்டிருந்தன. 1.00 மணியளவில் சாப்பிட்டு, 1.15 மணியளவில், எங்களுடன் மேலும் நால்வரைக்கூட்டிக்கொண்டு வந்து, அவர்களுடைய  வீடுகளுக்குக் கிட்ட இறக்கிவிட்டு, எமது வீடு வர  ஏறக்குறைய மாலை 1.30 ஆகிவிட்டது. நினைத்த அனைத்துக்கடமைகளையும் ஒருவாறு செய்து முடித்ததில் பெரிய திருப்தி. என்ன செய்வது சமூகத்துடன் சேர்ந்து ஓட வேண்டும். இல்லையாயின், எமக்கு உதவ, எம்முடன் சேர்ந்து ஓட ஒருவரும் கிடையாது போய்விடும். ஊருக்காகவும் ஓட வேண்டும். நமக்காகவும் ஓடவேண்டும். ஆகமொத்தம் நேரத்தோடு நாமெல்லாம் ஓடித்தான் ஆகவேண்டும். இல்லை என்றால் நேரம் எம்மை விட்டு ஓடிவிடும்..!

 

ஆ.கெ.கோகிலன்

21-05-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்