யானை

-

 


சில படங்களைப் பார்த்தாலே இயக்குனர் யார் என்பதைக் கண்டுபிடிக்கலாம். அப்படிப்பட்ட ஒரு இயக்குனரின் படம் தான் யானை. சிங்கம் என்ற வெற்றிப்படத்தொடரை வழங்கிய இயக்குனர் என்றாலும் அவரது படைப்புக்கள் யாவும் ஒரே மாதிரியான ஒரு ரெம்லேட்டில் இருப்பது ரசிக்க முடியவில்லை.

நல்ல வேளை இந்தப்படத்தில் விக்ரம் அல்லது சூர்யா நடித்திருந்தால் நிச்சயம் தியேட்டரையே கிழித்திருப்பார்கள். அருண்விஜய் நடித்ததால் படம் ஓரளவிற்கு பார்க்க முடிகின்றது. காதல் காட்சிகளை கொஞ்சம் ரசிக்கலாம். ஏனைய காட்சிகள் சும்மா விறு விறுப்பிற்காகப் பார்க்கலாமே தவிர வேறு ஒன்றுமில்லை.  அருண்விஜயின் சகோதரர்களின் பாத்திரப்படைப்புக்கள் ரசிக்க முடியவில்லை. எரிச்சலாக இருந்தது. என்ன செய்வது இயக்குனரின் கதை  அப்படி..?   

என்னைப்பொறுத்தவரை இந்தப்படத்தை ஒரு முறை பார்ப்பதே பெரிய விடயம்.  பொறுமையாக இருந்து பார்த்தால் மொத்தப்படத்தையும் பார்க்கக்கூடிய வகையில் கதையே நம்மை இழுத்துக்கொண்டுபோகும். அந்தளவிற்கு விறு விறுப்பான திரைக்கதை. பாடல்களும் ரசிக்கலாம். கச்சதீவு அந்தோனியார் கோவில் காட்சி நன்றாக இருந்தது. ராமேஸ்வரம் பகுதிகளைப்  படம் அழகாகக்காட்டியிருக்கின்றது.  ஒளிப்பதிவும் சிறப்பு. 

ஹரி, இதே மாதிரியான  கதைகளை விடுத்து, வேறு மாதிரியான படங்கள் எடுக்க வேண்டும். இல்லை சும்மா இருக்க வேண்டும். ஜயா, சாமி, தமிழ், சிங்கம் போன்ற மிகச்சிறப்பான படங்களைத் தந்தவர் இப்படியே கதையில்லாமல் குடும்பத்திற்குள் குதிரையோட்டுவது போரடிக்கின்றது.  முன்பு சேர்ந்த நடிகர்களுடன் மீண்டும் சேர்ந்து, படம் இயக்க வேண்டாம். இது எனது தாழ்மையான வேண்டுகோள். மாறுபட்ட கதை, புதியவர்களுடன் கூட்டணி என்றால் இனிவரும் படங்களைப் பார்க்கலாம். இல்லை என்றால் ஹரி படமே வேண்டாம்.




கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் ...
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை...
மேலும் படிக்கவும்

நானும் தொழில் நுட்பங்களும்..!

-
படம்
    நான் பிறந்த 60களின் கடைசியில் எமக்கு கல்வீடே கிடையாது..!   அந்தச்சமயத்தில் பகுதி மண் வீடோ அல்லது மண்வீடோ இருந்தது. ஆனால் இரவு விளக்குகள் எரியும். மண்ணெண்ணை அல்லது தேங்காய் எண்ணெய் விளக்குகளே அதிகம் பயன்பட்டது.   எல்லோரும் கூட்டமாக இருந்து கதைப்போம். சிறுவர்கள் அங்கும் இங்கும் ஓடி விளையாடுவார்கள். வீட்டில் பொழுது போக்குகள் கிடையாது. பெரிவர்கள் அவர்களது வேலைகளைச் செய்வார்கள். 10 மணிக்கு முன்னரே அனைவரும் படுத்துவிடுவார்கள். காலை 4 மணிக்கு முன்னரே எழுந்துவிடுவார்கள். சாப்பாடுகள் பல மாதிரியும் இருந்தாலும், பழைய சோறு அல்லது பழஞ்சோறு, பழம்தண்ணீர் என்பன   நிறைவான உணவு. இரவு மிச்சங்கள் எல்லாம் அடுத்தநாள் உணவில் தோன்றும். வருத்தங்கள் வருவது குறைவு. அந்தக்காலத்தில் நிறைவும் நிம்மதியும் இருந்தன என்றால் மிகையாகாது..!   70 தொடக்கங்களில் கல்வீடு வந்தது..! நான் தவழும் காலத்தில் கல்வீடு வந்தது. இருந்தாலும் விளக்குகள் இருந்தன. வீட்டின் ஒரு பகுதியில் வெங்காயக் கட்டுகள் தொங்கிக்கொண்டிருந்தன. இன்னோர் பகுதியில் பூசனிக்காய்கள் அடுக்கி வைக்கப்பட்டிருந்தன. அம்மா, அப்பா,...
மேலும் படிக்கவும்