பிக்பொஸ் வின்னர்..

-

 

இன்று (22-01-2023) விஜய் தொலைக்காட்சியில் நடைபெறும் பிக்பொஸ் நிகழ்ச்சியின் இறுதி நாள். வெற்றியாளர் யார் என்று தேர்வு செய்யும் நேரம்..? நிறைய நம்பிக்கை இருந்தது. நிதானமாக விளையாடிய விக்ரமன் வெல்வாரென்று..! அதேநேரம் சம அளவான வெற்றிவாய்ப்பு அசீமிற்கும், சிவினுக்கும் இருந்தது.

இறுதியில் அறம் வெல்லும் என்று அரசியல் பேசிய விக்ரமனை விட, கோபத்துடனும், பதட்டத்துடனும் இருந்தாலும், உண்மையாகவும், தன்னம்பிக்கையோடும் இருந்தார் என்பதற்காக அவர்  வெற்றிபெற்றுள்ளார்.  அசீம் கிடைக்கும் வெற்றிப்பணத்தில் அரைவாசியை பாதிக்கப்பட்ட மக்களுக்கு வழங்குவதாகத் தெரிவித்து, மக்களிடமே பேரம் பேசியுள்ளார். அதனை மக்களும் ஏற்றுக்கொண்டு வெற்றிபெறச் செய்துள்ளார்கள்.  உண்மையில் அந்த வாக்கைக் காப்பாற்றுவாரா என்று எனக்குச் சந்தேகம் இருக்கின்றது.  எத்தனையோ  முறை கோபப்படக்கூடாது என்று சொன்னாலும் கெட்டாரா..!  

அறத்தை நம்புபவர்களை பெரும்பாலான மக்கள் நம்புவது கிடையாது..! அவர்களை பழசுகள் என்ற மாதிரி ஒதுக்கிவிடுவார்கள்.  இது தான் உண்மையான மக்களின் நிலை.  கோபமாகப் பேசினால் என்ன, ரவுடியாக இருந்தால் என்ன, அசிங்கமான வார்த்தைகள் பேசினால் என்ன மக்கள் அதனை வரவேற்பதும், அதனைக்கொண்டாடுவதும் தான் நமது சமூதாயத்தின் சாபக்கேடு..!நல்ல சமூகம் வளர நல்ல கொள்கைகளும், அறமும், அதனை நிலைநாட்டுவதற்கான முயற்சியும் வேண்டும்.  என்ன செய்தாலும் மக்கள், இலகுவாக ஏமாறக்கூடிய சூழலே சமூகத்தில்  அதிகம் உண்டு..!

ரஜினி சொல்லும் வாக்கியம் ஞாபகம் வருகின்றது. “கெட்டவர்களை இறைவன் தூக்கி விடுவார். இறுதியில் கையைவிட்டுவிடுவார். ஆனால் நல்லவர்களை தூக்கிவிடார். ஆனால் இறுதியில் கைவிடார்..” இப்படியான ஒரு எண்ணம் தான் அறத்தை நிலைநாட்டும் அறம் வெல்லும் கொள்கைகொண்ட விக்ரமனுக்கு இங்கு நிகழ்ந்ததாக எடுத்துக்கொண்டு,  நானும் அடங்கிவிட்டேன். 

பாவம் சிவினும் எதிர்பார்த்து ஏமாந்தார்..! எல்லாம் நன்மைக்கே..! எல்லாப்புகழும் இறைவனுக்கே என்று அசீம் சொன்னது தான் ஞாபகத்திற்கு வந்தது..!


 


 


 


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்