குளவிக் கொடுக்கு..!

-

 

                                                              wasp sting

குளவிகள் அல்லது தேனிக்கள் போன்றவற்றில் ஏதோவொன்று கொட்டியதால் உடல் ஒரு மாதிரி சோர்வாக இருந்தது. தற்போது மாணவர்களுக்கு புது அனுமதியுடன், பதிவும் நடைபெறுவதால், அலுவலகத்தில்  வேலை அதிகம். அத்துடன்  ஊழியர்கள் பற்றாக்குறை இன்னும் அதிகமாக இருப்பதாலும், அடிக்கடி முடிவுகளில் மாற்றங்கள் வருவதாலும், வேலைகள் முடிவதாக இல்லை. ஒவ்வொரு நேரமும் ஒவ்வொரு வித வேலைகள் வந்துகொண்டிருக்கும்.



இப்படியான சூழலில் இன்று  பொறியியல் துறைப் பாடங்களுக்கு வருகைதரு விரிவுரையாளர்களை நியமிக்க வேண்டிய  நிலையில் நேர்முகப்பரீட்சையை வைத்தோம்.  அதற்கு முதலே கையில் சற்றுவலி அதிகமாக இருந்ததால், ஊழியர்களுடன் கதைத்தேன். அவர்கள் சொன்னார்கள்..” குளவியின் கொடுக்கை எடுத்துவிட்டால் வலி குறையும் என்று..”  எனது கண்ணுக்கு குளவியே தெரியவில்லை. பிறகு எப்படிக் கொடுக்குத் தெரிவது என்றேன்..?  ஊழியரில் ஒருவர், உடனேயே வீக்கத்தை அழுத்தி, அதில் வெள்ளையாக வரும் பகுதியில் இருந்து கொடுக்கைப் பிய்த்து எடுத்தார். பின்னர் அந்த இடத்தில் ஸ்பிறிட்போட்டு விட்டேன்.  வீக்கம் சிறிது சிறிதாக குறைவது புரிந்தது..!  மாலை இன்னொரு ஊழியர் சொன்னார் ”மண்ணெண்ணை போட்டுத்தடவினால் இவை காணாமல் போய்விடும் என்று..!” நான் இன்னமும் அதனை முயற்சி செய்து பார்க்கவில்லை. எல்லாவற்றிற்கும் வைத்தியசாலைக்குப் போவது நல்லது அல்ல..! எளிமையான வழிமுறைகளில் தீர்வு கிடைக்கவில்லை என்றால் போகலாம். இல்லை என்றால், தேவையில்லாத சிக்கல்களையும் முகம்கொடுக்க வேண்டிவரும்.  காய்ச்சலுக்கு என்று சென்ற சிறுமியின் கை அகற்றப்பட்ட நிகழ்வு மிகவேதனையாக இருந்தது. அந்தச் சிறுமியின் தாயார் என்னிடம் படித்தவர்..! வங்கியில் வேலை செய்பவர். என்னுடைய வங்கி வேலைகளை உடனேயே முடித்துதந்து உதவுபவர். அவரது தந்தையாரும் எனக்குத் தெரிந்தவரே..! சுன்னாகத்தில் பெரிய அளவில் புடவைவியாபாம் செய்பவர்.

காலம், காய்ச்சலூடாகக் கையை கொண்டுசென்றுவிட்டது. யாரில் பிழை கண்டுபிடித்து என்ன செய்ய..? அந்தக்குழந்தை கையில்லாமல் இருப்பதை நினைக்க முடியவில்லை. மனைவி சொன்னார், “மிகவும் அழகான, நாட்டியம் ஆடக்கூடிய  குழந்தை. எல்லோருக்கும்,  கை என்பது எவ்வளவு முக்கியம்..?”

எல்லோரும் பொறுப்புணர்வோடு இருக்க வேண்டும். இல்லை என்றால் இவ்வாறான பாதிப்புக்கள் ஏற்படும் போது, மக்கள் உணர்வுகளுடன் செய்யும் விளைவுகளைத் தாங்க முடியாது.  வைத்தியர்  மீது சமூகம் எவ்வளவு மதிப்பை வைத்துள்ளதோ அதேயளவு அவதூறுகளையும் சந்திக்க வேண்டிய சூழல் அவர்களுக்கு வருவதையும்  கவனிக்க வேண்டும்.

 

ஆ.கெ.கோகிலன்

07-09-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்