துஷ்யந்தன் மற்றும் சகுந்தலை காதலை உலகே அறியும்…! நான் கூடப் பல தடவைகள் அந்தக்கதையை கேட்டுள்ளேன். நாடகங்களில் பார்த்துள்ளேன். நடிகர் திலகம் சிவாஜி மற்றும் பிரபு நடித்த ராஜரிஷி என்ற படத்தில் கூடப் பார்த்துள்ளேன்.   அந்தகால நாடகத்தில் அல்லது சினிமாவில் கணினியும், அதன் வரைகலை வளர்ச்சியும் ஏற்படவில்லை. தனியாக    கமெரா நுட்பங்களை மட்டும் பயன்படுத்திக் காட்சிகளை மெருகூட்டினார்கள். அதுமாத்திரமன்றி, நிறைய உழைப்பையும், நேரத்தையும், பணத்தையும் கொடுத்து, பல   செட்டுக்கள் போட்டு, காட்சிகளைப் பிரமாண்டமாக மாற்றினார்கள்..! ஆனால் தற்போது நிலைமை மாறிவிட்டது. ஒரு கணினி போதும் வித்தைகள் காட்ட..! கணினி வரைகலையில் கணினிப் பண்ணைகளே பயன்படுகின்றன..! பல ஆயிரம்     வரைகலைஞர்கள் இரவுபகலாக உழைக்கின்றார்கள்..! இந்தப்படத்தில் அப்படிப்பட்டவர்களின் பங்களிப்பு அதிகமுள்ளது..! அவர்களுக்கு எனது பாராட்டைத் தெரிவித்துக்கொண்டு, கதையை ஆராய்ந்தால், சில காட்சிகளில் விளக்கம் கொடுக்கப்பட்டிருந்தது. சகுந்தலா, வனவிலங்குகளைப் பெயர்கொண்டு அழைத்த வாழ்வியல் முறையில் இருந்து, முன்பு எப்படி இயற்...

    வெளிவந்து நீண்டகாலத்திற்குப் பிறகு இந்தப்படத்தைப் பார்க்கவேண்டும் என்று எனக்குத் தோன்றியது. பார்த்தேன், மனதில் பதிந்துவிட்டது..! இந்தியத் திரையுலகின் ஜம்புவான்கள் நிரம்பிய ஹிந்தித்திரையுலகத்தை ஏறக்குறைய முற்றாகத் தரிசனம் செய்யக்கூடியதாக இருந்தது..!   பிரபலமான ஸ்ரீதேவி, அமீர்கான், ஜாக்கிஷெராப், மாதுரிதீட்ஷித் போன்ற ஒன்றிரண்டு முகங்களைத் தவிர அனைத்தையும் கண்டதே பெரிய நிறைவு..! படத்தின் கதை நம்ப முடியாவிட்டாலும் மனதைதொடுவதாக அமைந்திருந்தது. பிரபஞ்சத்துடன் தொடர்பு பட்டிருந்தது..! எது நினைக்கின்றாயோ, அதுவாகவே மாறுகின்றாய் என்பதை உணர்தியது..! வாழ்க்கை ஒரு வட்டம். எல்லாம் ஒன்றுடன் ஒன்று தொடர்வு பட்டது தான். இந்தபூமியில் பிறக்கும் அனைத்து உயிரும், முதலே பிறந்தது தான்..! என்ன..? எல்லாம் திரும்பத்திரும்பச் சுழற்சி முறையில் வருகின்றன..! இயற்கையைப் புரிந்தவர்களுக்கு மரணத்தைக்கண்டு பயம் வராது. ஏனென்றால் மரணம் என்பது, உயிரின் நிலைமாற்ற உதவும் இயற்கையின் வரப்பிரசாதம்..! உயிர்ப்பில் இருந்து, உயிரற்ற நிலைக்கான இயற்கையின் நிலைமாற்றச் செயற்பாடே மரணம்..! துணைநடிகராக இருக்கு...

  தமிழ் தமிழ் என்று தமிழின் பெருமையைப் பற்றித் தொடர்ந்து பேசுகின்றோம். அதில் தவறு  ஒன்றும் இல்லை. தமிழிற்கு அத்தனை சிறப்புகள் உண்டு..! அதேவேளை உலகில் ஏறக்குறைய 7151 மொழிகள் இருப்பதாகச் சொல்லப்படுகின்றது..! இது இணையத்தில் இருந்து எடுக்கப்பட்ட தரவு. அதனால் நூறு சதவீதம் சரியான அளவாக இருக்கும் என்று என்னால் சொல்லமுடியாது. இருந்தாலும், ஏன் இவ்வளவு மொழிகள் தோன்றியது என்று யோசிக்கும்போது ஒரு விடயம் புரிகின்றது. அது, நிறைய வேற்றுமைகள் சமூகத்திற்குள் இருந்துள்ளது என்பதையே எனக்கு உணர்த்துகின்றது..! ஒரு மொழியைப் பலரால் ஏற்க முடியவில்லை. எல்லோரும் ஒரு மொழிபேசும் சூழலை வளர்க்கவும் அந்நேர மக்களுக்கு ஆசையில்லை..! அது மாத்திரமன்றித் தேவையுமில்லை..! ஆரம்ப கால ஊமைப்பாசை (சைகை மொழி) பேசும் காலத்தில் இருந்து, தமது உணர்வுகளையும், ஆசைகளையும், தொழில்செய்யும் வழிமுறைகளையும், வாழும் வழிமுறைகளையும், இறைவனை உணர்த்தும் வழிமுறைகளையும் இந்த மொழிகள் ஊடாகவே கடத்தினார்கள்..! 2024 இல் போப்ஸ் (Forbes) என்ற   இந்தியச் சஞ்சிகையின் ஆய்வுப்படி, முதல் மூன்று இடங்களில் உள்ள மொழிகள் ஆங்கிலம், மண்டரின் சைன...

  தேர்தல் முடிந்த அடுத்த நாள், நான் திருகோணமலையிலுள்ள எனது அலுவலகம் போவதற்கு, பஸ் புக் பண்ண, குறித்த இணையத்தளத்திற்குச் சென்றேன். வழமையாக நான் செல்லும் பஸ் அன்று ஓடவில்லை..! பின்னர் இரவு 7.00 இற்கு செல்லும் பஸ்ஸினை புக்பண்ணினேன். தேர்தல் முடிவு வந்தாலும், 2ம், 3ம் வாக்குகளைக் கணக்கிடத் தொடங்க, செய்திகளும் ஒருமாதிரி அப்படி இப்படி என்று சொல்ல, ஊடரங்கும் தளர்த்தப்பட்டதா அல்லது இல்லையா என்ற குழப்பத்துடன் போக, நானும் பஸ் நடத்துனர், புக்கிங் அலுவலகம் எனத்தேடிப் போனெடுத்தால், ஒன்றுக்கும் பதில் இல்லை. இறுதியாக பஸ்ஸிற்கு புக்பண்ணிய பணத்தை இழக்க வேண்டி வந்தது. அது தொடர்பாகப் பதில் சொல்ல வேண்டியவர்களும் அழைப்புக்களை எடுக்காமல் இருந்தால், நான் என்ன செய்ய..? திங்கட்கிழமை அரசு விடுமுறை என்று செய்தி ஊடகங்கள் அறிவித்ததால், எனக்கும் ஊரடங்கு நேரத்தில் பிரயாணம் செய்ய விரும்பம் வரவில்லை. ஒருவாறு திங்கள் பயணமின்றிக்கடந்தது..! இம்மாதம் ஆரம்பித்ததில் இருந்து அதிக பயணங்கள் வந்துகொண்டிருந்தன..! திங்கள் காலை எழுந்ததும் பஸ் புக்கிங்கை செய்ய குறித்த இணையத்தளத்திற்குச் செல்ல, நான் போகும் பஸ்களின் சேவை ...

    தகவல் தொழில்நுட்ப யுகத்தில் பிரச்சனைகள் பல வடிவங்களில் வரலாம்..! உலகே கையில் வந்ததால், பிரச்சனைகளும் உலகெங்கிலும் இருந்து  எம்மை அண்டலாம்..! இதனால், விழிப்பாக இருக்க வேண்டியது நாம் அனைவரதும் கடமை. அது மாத்திரமன்றி, தகவல் தொழில்நுட்ப சாதனங்களை அளவோடு பயன்படுத்த வேண்டும். வசதிகளும், வாய்ப்புக்களும் இருக்கின்றது என்பதற்காக எல்லாவற்றையும் பயன்படுத்த நினைத்தால், உலகிலுள்ள குற்ற வலைகளில்   நாம் சிக்கவேண்டி வரும்..! அதில் இருந்து, மீள்வருவது சிரமான விடயமாகவும், தேவையற்ற வேறு பிரச்சனைகளில் மாட்டுவதற்கும் வாய்ப்புண்டு. இந்தக்காலத்தில் பணம் என்பதற்கு மட்டும், மதிப்பு கூடுவதால் எப்படியாவது பணம் சம்பாதித்தால் போதுமென்ற நினைப்பு தற்போது பலரிடம் வருகின்றது..! இந்த எண்ணமே தற்போதைய பெரும் ஆபத்துக்களுக்கான ஆரம்பக்காரணம்..! யாரோ ஒருவர் பணம் கொடுப்பார் என்றால், எதையும் செய்யும் உணர்வற்ற, அறிவற்ற கைக்கூலிகள் உலகெங்கும் மலிந்து இருக்கின்றார்கள்..! அவர்களுக்கு இப்படியான சிக்கல்கள் வரும்போது மட்டும் தான், அவர்களால் உண்மையான பாதிப்புக்களை உணர முடியும்..! அது வரை அவர்கள் அனைவரும் க...

    இந்த வாரம் தேர்தல் வருவதாலும், சில நாட்கள் அரச லீவுகள் இருப்பதாலும், ஊரில் நிற்கக்கூடியதாக இருந்தது..! பொதுவாக இப்படியான காலத்தில் தான், எனக்கு  வருத்தங்கள் வருவதுண்டு..! ஒரு விரலில் ஏற்பட்ட காயம், தற்போது மேல்தோல் வந்தாலும்,  இன்னும் வலி இருக்கின்றது..! அதேவேளை  சிவப்புச்சின்னக்குளவி கடித்து, வீங்கிய விரலும் கையும் இன்னும் முற்றாக மடிக்கக் கடினமாக இருக்கின்றது..! அதேவேளை சில வாரங்களாக பல்லிலும் வலி ஏற்பட்டு, வருத்தி வருகின்றது..! இவ்வாறு, பல காரணங்கள் இருப்பதால், இம்முறை மேலும் இருநாட்கள் சுகயீன லீவை சொல்லிவிட்டு, உடலிலுள்ள உபாதைகளை குறைக்க முனைந்தேன்..! அதன்படி நேற்று ஒரு பல் மருத்துவரை அணுகி, பல்லைப் பிடுங்கிவிடச் சொன்னேன்..! வலி தாங்க முடியவில்லை. மனைவி சொன்ன மருந்தைப் பல நாட்களாகப் போட்டு சமாளித்தாலும், நேற்று வேலைநாள்..! வைத்தியர்கள் வருவார்கள். கண்டிப்பாகக் காட்டவேண்டும் என்று நினைத்து, அவ்வாறே செய்து முடிக்க முனைந்தேன். ஆனால் வைத்தியர், பல்லில் சூத்தை இருக்கின்றது என்றாலும், தற்காலிகமாக அடைத்துப் பார்த்துவிட்டு, பிரச்சனையில்லை என்றால், நிரந்த...

    நீண்ட நாட்களுக்குப் பிறகு வார இறுதியில் வேலைசெய்ய நினைத்தேன். அதுவும் பல தடவைகள் இழுபட்டு வந்து, இன்று தான், அதுவும் ஒரு நாள் தான் செய்ய முடிந்தது..! வரும் வாரம் தேர்தல் வருவதால்,   பல மாற்றங்கள் நாட்டில் ஏற்பட வாய்ப்புண்டு. எமது தார்மீக ஜனநாயக்க கடமையை ஆற்றவேண்டிய தேவையும் ஒவ்வொரு இலங்கைப் பிரஜைக்கும் உண்டு. நானும் அந்தக்கடமையாற்ற வார கிழமை முழுக்க யாழிலே நிற்கத் தீர்மானித்துள்ளேன். இந்த சமயத்தில் எமது நிறுவன வெள்ளிவிழா கடமைகளையும், பாடவிதானக் கடமைகளையும்   தவறாது செய்யவேண்டியது எமது பொறுப்பு. அந்த வகையில் காலை மரம் நடுகையை எமது நிறுவனத்தில் கணக்கியல் மாணவர்களைக்கொண்டு   நடாத்தினோம். அதேபோல் வெள்ளிவிழாவை முன்னிட்டு அதிஷ்டஇலாபச்சீட்டினையும் விற்கத் தொடங்கினோம். வேறும் பல   நியாயமான வழிகளில் பணம் சேர்க்கவும், பொருட்கள் சேர்க்கவும், தேவையானவர்களுக்கு அவற்கை கொடுத்து உதவவும் தொடங்கியுள்ளோம். அதுமாத்திரமன்றி, அதற்கான பொறுப்புக்கூறலையும், கூற அனைத்தையும் முறையாகப் பின்பற்ற, இருக்கும் எமது குறைவான ஆளணிகளைப் பயன்படுத்தி, எவ்வளவு நிறைவாகச் செய்யமுடியு...

    “உடற்பயிற்சி ஜயா” என்ற தமிழைப் பயன்படுத்தினால் சற்று பழமையாகத் தெரியும் என்பதற்காக இவ்வாறு தலைப்பு வைத்தார்களோ தெரியவில்லை..! கிப்பொப் தமிழா ஆதியின் படங்களும் ஏறக்குறைய விஜய் அன்ரனி படங்கள் போல் சற்று வேறுபட்ட கதையம்சம் கொண்ட படங்களாக வெளிவருவது மகிழ்ச்சிக்குரியது. பெரிய நடிகர்களின் படங்களின் சூத்திரம் எப்போதும் ஒரே மாதிரியாக இருப்பதால் என்னைப் போன்றவர்களுக்கு அவர்களின் படங்களில் ஈர்ப்பு குறைவு. ஆனால் வளர்ந்து வரும் இளம் நடிகர்கள், வேறுபட்ட கதைக்களங்களில் நடிப்பதால் படம் சரியில்லாவிட்டாலும் ஏதோவோர் புதிய அனுபவம் கிடைத்த ஒரு நிறைவு இருக்கும். மாறாக பெரிய நடிகர்களின் படங்களுக்குப் போனால், எல்லாம் ஓரே மாதிரியாக இருப்பதால் வெறுப்புத் தான் வருகின்றது..! இந்தப்படத்தின் கதை என்று பார்த்தால், பெண்களுக்கு ஏற்படும் தவறுகளுக்கு காரணம், பெற்றோர் மற்றும் சமூகம்..! “பொதுவாக மற்றவர்கள் என்ன நினைப்பார்கள்..?” என்ற   கோணத்தில் சிந்தித்து, தங்களுடைய தரங்களை, தங்களாகவே கீழே இறக்குகின்றார்கள்..! இது தவறு..! எந்தச் சூழலிலும் முன்னின்று போராடும் பெண்களைப் பாராட்டாமல் விட்டாலும், கொ...

  கடந்த பல வாரங்களாக திருகோணமலை உயர்தொழில்நுட்ப நிறுவனத்திற்கு காரில் போகவேண்டிய தேவை வந்தது. அதே நேரம் பரீட்சை பணிப்பாளர்  தெரிவுக்கான நேர்முகத்தேர்விற்குரிய ஆவணங்களையும் சான்றிதழ்களையும் ஒரு  பாக்கில் போட்டு, அங்கும் இங்குமாகக் காவிக்கொண்டு திரிந்தேன்..!  ஆனால் நேர்முகத்தேர்வுக்கு அழைப்பு வரவில்லை. அதே நேரம் அந்த எண்ணம் நிராகரிக்கப்பட்டதாகவும் மீண்டும் சரியான சந்தர்ப்பத்தில் அழைப்பதாகவும் நிறுவனத்தைச் சேர்ந்த ஒரு அதிகாரி தெரிவித்தார். அதன் பின்னர் நான் காரில் போகவில்லை. அந்த பாக்கையும் கொண்டுசெல்லவில்லை. ஆனால் க.பொ.த உயர் தரப்பரீட்சை முடிவுகள் வந்த நேரம், மகளிடம் இருந்து, கவலையான செய்தி வரும்போது, இந்தச்செய்தியும் வாட்சப்பில் வந்தது..! “மகள் பரீட்சையில் தோல்வி..! பரீட்சைப் பணிப்பாளர் பதவிக்கான தேர்வு..!” ஒரே குழப்பம்..! ஒன்றும் சிந்திக்க முடியவில்லை. நடப்பது நடக்கட்டும், வழமைபோல் நமது முயற்சியைச் செய்வோம், பலன் வந்தாலும் சரி வராவிட்டாலும் சரி ஏற்போம் என்ற மனநிலையில் செயல்களை ஆற்றினேன். தனியாகத் திருகோணமலையில் இருந்ததால்,   மகளைப் பற்றிய கவலையே அதிகமாக ...

  பொதுவாக யார் ஆண்டாள் என்ன..? ஆள்பவர், சரியாக நாட்டை ஆண்டாள் நான் எப்போதும் அவர்கள் பக்கம் நிற்பேன். அதற்கான நம்பிக்கை, அவர்களது ஆட்சியில் இருந்திருக்க வேண்டும். அண்மைய கால அரசியல் மிகவும் நெருக்கடியானது..! ஆட்சியாளர்களைத் தாண்டி இயற்கையும், உலக வல்லரசுப் போட்டிகளும் பல வித தாக்கங்களை நாட்டில் ஏற்படுத்தி இருக்கின்றன..! அதன் விளைவாக நாம் எதிர்பார்க்காத பல மாற்றங்கள் வந்துகொண்டே இருக்கின்றன..! இவை சாதகமானதாகவும் இருக்கலாம், பாதகமானதாகவும் இருக்கலாம். ஆனால் மக்களின் வாழ்வியல் தரத்தையும், பௌதீகநிலையினையும் பொறுத்து, பாதிப்புகள் வேறுபடுகின்றன. தற்போதைய ஜனாதிபதி, கடந்த தேர்தலில், வெற்றிபெறவில்லை. ஆனால் இயற்கையும், பொருளாதாரத் தாக்கங்களும் ஏற்படுத்திய அரசியல் கலகத்தின் விளைவாக ஜனாதிபதியாகிவிட்டார்..! அதுமாத்திரமன்றி, இன்றுவரை அவரால் இயன்றவரை நாட்டைப் பாதிப்பு இல்லாமல் கொண்டு செல்ல முடிந்திருக்கின்றது. இந்த இடத்தில் பாதிப்பு இல்லாமல் என்று சொன்னது, சராசரி மக்களின் வாழ்வியலை விட, மேம்பட்ட மக்களுக்கே இந்தவிடயம் மிக உண்மையாக இருந்திருக்கும். ஆனால் பலர், வறுமையின் பிடியிலும், துன்பத்திலும...

    சில படங்கள் எந்த ஆரவாரமில்லாமல் வந்தாலும் மக்களின் மனதைத் தொட்டுவிடும்..! அதற்கு காரணம், அந்த படத்தின் உள்ளடக்கமும், அதனை மக்களுக்கு கொடுத்த விதமும் தான்..! இந்தப்படத்தைப் பொறுத்தவரை, எதேட்சையாகப் பார்க்கும் போதே படத்தின் காட்சிகள் ஏதோவோர் விதத்தில் என்னைக் கவர்ந்துவிட்டன..! இந்தப்படத்தின் கதை என்று பார்த்தால், 60பது, 70பதுகளில் இருந்த ஆண்களின் இயல்பையும், பெண்களின் இயல்பையும் தழுவியே பின்னப்பட்டுள்ளது. திருமணத்திற்கு அவசரப்படாமல் இருக்கும் பெண்ணுக்கு, ஒரு அழுத்தத்தைக்கொடுத்து, திருமணத்திற்கு சம்மதிக்க வைப்பதும், அந்த திருமணம் நடந்தால், வாழ்வே நரகமாகிவிடும் என்று உணர்ந்த நாயகி அதனை நிறுத்த, முற்படுவதே கதை..! கீர்த்தி சுரேஷ், எம்.எஸ்.பாஸ்கர், ஹீரோவாக இருந்து வில்லனாக மாறிய ரவீந்திரா விஜய்   போன்ற எல்லோரது நடிப்பும் பிரமாதம். குறிப்பாக நாயகனாக நடித்தவரின் இயல்பும் சிறப்பாக இருந்தது..! ஆடை வடிவமைப்புக்கள், காட்சிகள், மன இயல்புகள் அனைத்தும் பல வருடங்களுக்கு முன்நோக்கிச் சென்றதால் என்னால் அவற்றை இணைத்துப் பார்க்கக் கூடியதாக இருந்தது. விரும்பிச்செய்வதற்கும், த...

    இரவு, இருவர் பிறந்த தின வீட்டுக்கொண்டாட்டம் முடித்துப் படுத்தது தான் விடிந்த பின்னரே எழுந்தேன். வழமைபோல் கடமைகளைச் செய்தாலும், சில விடயங்களைச் செய்யமுடியாது போய்விட்டது. சிவப்புக்குளவியின் குத்தல், கையை மடக்க இயலாத அளவிற்கு வீங்க வைத்துவிட்டது..! அதனால் உடற்பயிற்சி தவறியது. அதேபோல், வேறும் சில விடயங்கள் தவறிவிட்டது. போனவாரத்தில் இருந்து, ஒரு பல்லுக்குள் ஏதோ ஒன்று போய் அடைக்க, அது வலிக்கத்தொடங்கி, பின்னர் அதை எடுத்ததன் பின்னர் இன்னும் வலி கூடியுள்ளது. எனக்கு லீவு வந்தால், இப்படியான பிரச்சனைகள் எல்லாம் டக்கு டக்கு என்று வந்துவிடும்.! வேலைநாட்களில் இப்படியாக வருவது மிகக்குறைவு..! உடற்பயிற்சி செய்யாத அலுப்புடன், தேநீரைப் பருகிவிட்டு இருக்கும் போது, சிறிய புடையன் பாம்பு ஒன்று, பழைய வீட்டிற்குள் வர, எமது பூனையார் தனது வீரத்தைக்காட்டி, எமக்கு வேலை இல்லாமல் செய்துவிட்டார்..! தெரியாத்தனமாக யாரையாவது கடித்து இருந்தால், நிலைமை கடும் ஆபத்தாக மாறியிருக்கும்..! பூனையாருக்கு இந்த இடத்தில் நன்றி சொல்ல வேண்டும். அது தனது கடமையைச் சிறப்பாகச் செய்வதாக உணர்கின்றேன். அடிக்கடி குட...

  இந்தியா சுதந்திரம் கிடைக்க சில நாட்களுக்கு முன்னர், ஒரு கிராமத்தில் நடந்த கதையாக சித்தரிக்ப்பட்டிருக்கும் இந்த கதை உண்மையில் மிகச்சிறப்பாக அனைத்து உணர்வுகளையும் கொடுக்கக்கூடியதாக அமைத்ததற்காக இயக்குனர் N.S.பொன்குமாரைப் பாராட்டலாம். இந்தியாவில் சுதந்திரம் கிடைத்தாலும் ஒரு ஆங்கிலேயன், தனது ஆளுமையைப்பயன்படுத்தி, மக்களை அவ்வளவு கொடூரமாக கொன்றும், தனது மகன் மூலம் பெண்களின் கற்புக்களைச் சூறையாடியும், மக்களை வருத்தியும் வந்தான். இந்த ஆங்கிலேயனின் கேடுகெட்ட மகனை, ஆங்கிலேயர்களின் கொடூரத்தால் தாயைப்பறிகொடுத்த தனயன், வெட்டிக்கொன்று, அம்மக்களை வீரமாக இருக்கத்தூண்ட, இறந்தவனின் தந்தை தான் பெரிய பருப்பு மாதிரி, ஆங்கிலேயர்கள் சுதந்திரம் கொடுத்தாலும், தனிப்பட்ட நபர்களின் நாசகாரச் செயலுக்காகவும், பணத்திற்காகவும், பதவிக்காகவும், அந்தப்பகுதிக்கு மக்களுக்கு, சுதந்திரம் கிடைத்ததை மறைத்து, தனது அராஜகத்தைத் தொடர, அதனை முறியடிக்க எத்தனையோ சந்தர்ப்பங்கள் வந்தாலும், அதனைத்தடுத்து, சுதந்திரம் கிடைத்த விடயம் ஊருக்குள் பரவாமல் இருக்க, அவ்விடயம் தெரிந்தவர்களைக்கொன்றும், நாக்கை அறுத்தும் ஆட்டம் போட, இறுதியி...

  நேற்று 4.00 மணிக்கு வெளிக்கிட நினைத்த நான், பின்னர் பஸ்கள் இல்லாமல் சிக்கல்படக்கூடாது என்பதற்காக 3.15இற்கே வெளிக்கிட்டேன். காலை அலுவலகத்திற்கும் 7.00இற்கே சென்றுவிட்டேன். பகுதிநேர வகுப்புக்கள் காலை 7.00 இற்குத் தொடங்குகின்றன. பஸ் சரியாக 3.30 இற்கு வந்தது. நிறையக்கூட்டம். ஏறவே சிரமப்பட்டேன். இருந்தாலும் ஆச்சரியம், கொஞ்ச நேரத்தில் சீற் கிடைத்துவிட்டது. இது அதிஷ்டம் போல் இருந்தது. பலர் நின்றுகொண்டிருக்க, பிந்தி ஏறிய எனக்கு சீற் கிடைத்தது ஒரு அதிஷ்டம் தான். இருந்தாலும், நானும் நீண்ட நேரம் அந்த சீற்றில் இருக்கவில்லை. யுத்தத்தில் காலை இழந்த ஆமி ஒருவர் ஏறும்போது, அவருக்கு அதனைக் கொடுத்தேன்.   கெப்பிட்டிக்கொலாவில் இறங்கும் போது, எனக்கு நன்றி சொல்லி இறங்கினார். நல்லவர்கள் எங்கும் இருக்கின்றார்கள். சூழல், நம்மை ஒருவருக்கொருவர் எதிரியாக மாற்றுகின்றது. யாரைக் குறை சொல்ல..? படைத்த இயற்கையைத் தான் சொல்ல வேண்டும். அதனைத் தொடர்ந்து, சீற்றில் இருந்து வந்ததால் பின்பகுதி வலித்தது..! 8.20இற்கு யாழ் வந்துவிட்டேன். வீடு வர மேலும் 25 நிமிடங்கள் எடுத்திருக்கும். வழமையான கடமைகள் செய்யும் போது,...

    பா.ரஞ்சித்தின் படம் என்றால் அதில் அடிமைத்தனத்தை உருவாக்கிய பல வரலாற்றுக் கருத்துக்கள் இருக்கும். சாதியக் குறியீடுகள் இருக்கும். அடிமட்ட மக்களின் வாழ்வியலின் கஷ்டம் இருக்கும். காட்சிகள் முழுவதும் உணர்வுகள் எங்கும் பரந்து இருக்கும். தங்கம் தேடும் கதை என்றாலும், இந்தப்படத்திலும் இவை அனைத்தும் இருக்கின்றன..! ஆங்கிலேயர் காலத்து,   அடிமட்ட மக்களின் வாழ்வியலை அந்தக்காலத்திற்குப் போன மாதிரியே காட்சிப்படுத்தியுள்ளார்கள்..! உண்மையில் எல்லாப் பாத்திரங்களின் படைப்புகளும் சிறப்பாக இருந்தன. ஆனால் இரவுக்காட்சிகள் போல், பல காட்சிகள் வருவதால், சற்று தெளிவில்லாமல் இருப்பதாகத் தோன்றியது. அதேபோல் மொழி, தமிழ் என்றாலும் சில பேச்சுவடிவங்களைப் புரியச்சற்று கடினமாக இருந்தது. ஆங்கிலேயர்களின் சுரண்டலைப் பார்க்கும்போது, இன்னும் ஆங்கில நாட்டில் இருந்து இழந்ததை மீண்டு எடுக்க வேண்டும் என்ற எண்ணமும், எம்மை வருத்தியதற்கு ஒரு பாடம் படிப்பிக்க வேண்டும் என்ற எண்ணமும் அடிமைப்பட்ட நாடுகளில் பிறந்த அனைவருக்கும் இருக்கும். அந்த எண்ணத்திலேயே படம் எடுக்கப்பட்டுள்ளது. ஆங்கிலேயர்களைப் பார்க்கும் போதே,...