நான் சில நேரங்களில் இந்து சமயத்தில் பிறந்ததற்காக வேதனைப்படுவதுண்டு..! நான் நினைத்தாலும், சில விடயங்களை என்னால் செய்யமுடியாது என்பதுடன்,  எனது  முயற்சிக்கு அப்பால் அவை வரையறுக்கப்பட்டிருப்பதாக நினைப்பதுண்டு. எனது அம்மாவின் அண்ணன் ஒருவர் எனக்குத் தெரிந்த வரை அசைவம் சாப்பிடுவது கிடையாது. ஒவ்வொரு நாளும் மூன்று வேளைக்கு மேல் அவருடைய சாமியறையிலுள்ள சாயிபாபா உட்படப் பல சாமிகளுக்கு அர்ச்சனைகள் செய்து, அமுது படைத்து, அதன் பின்னரே அவர் உணவை எடுப்பார்..! எனது வயதைவிட நீண்டகாலமாக அந்தப் பயிற்சியைச் தொடர்ந்து செய்துகொண்டே இருக்கின்றார்..! அவரைப்பார்த்துப் பார்த்து எனக்குப் பயமே வந்துவிட்டது..! இவ்வளவு உண்மையாகவும், தனது உடலை வருத்தியும் இறைவனை வணங்கினாலும் அவரால் ஒரு கோவிலுக்குள் போக முடியாது..!   கோவில் அய்யரே அவ்வளவு ஆச்சாரமாக இருப்பாரா என்பதைச் சொல்ல முடியாது.   எத்தனையோ கோவில்களில் பூஜை செய்பவர்கள் கூட உண்மையாகவும், ஆச்சாரமாகவும் இருப்பதில்லை.   அவர்களும் மனிதர்கள் தானே. அதை நான் குறையாகச் சொல்லவில்லை. இருந்தாலும் இதுவரை யாரையும் எனது மாமனாரும் குறைசொ...

  கடந்த சில வாரங்களாக இருவழிப்பயணங்களிலும் யாருக்கும் சீற் கொடுத்து உதவ முடியவில்லை. ஏறக்குறைய 4.00 மணிகளுக்கு மேலாகத் தொடர்ந்து இருப்பதால், பல வலிகள் உடலில் ஏற்படும். தவிர்க்க முடியாமல் அசைந்து அசைந்து ஒருவாறு குறித்த பயணங்களை நிறைவு செய்தேன். இன்று, வீட்டில் இருந்து புறப்படும் போது, போனை விட்டுவந்தது இடையில் தான் தெரிந்தது..! பரவாயில்லை என்று வந்து விட்டேன். இன்னொரு போன் இருப்பதால் பழைய போன் இல்லாவிட்டாலும் சமாளிக்கலாம் என்ற நம்பிக்கை இருந்தது. பல சமயங்களில், ஒரு இளம் பெண் தோற்றத்தில் சற்றுப் பருமனானவர் என்னுடைய பஸ்ஸில் வரும் சந்தர்ப்பங்களைப் பார்த்துள்ளேன். இன்றும் அவ்வாறே அமைந்தது. முன்பு பார்த்தாலும், நான் அவருடன் கதைக்க வாய்ப்பு வரவில்லை. அவரைப் பார்க்கவும் சற்று பழகுவது குறைவு என்பதுபோல் தெரிய, கதைக்கவேண்டிய தேவை வரவில்லை. ஆனால் இன்று அவருடன் கதைக்க முடிந்தது. அவர் திருகோணமலை டி.எஸ் அலுவலகத்தில் அபிவிருத்தி உத்தியோகஸ்தராகக்கடமை ஆற்றுகின்றார். அத்துடன் முகாமைத்துவப் பட்டம், முகாமைத்துவ பட்டப்பின் பட்டம் மற்றும் பொதுநிர்வாகம் என்ற துறையிலும் இன்னொரு பட்டப்பின் பட்டம் படி...

  எனது நிறுவனத்தில் படித்த பல மாணவர்கள் பல்வேறு நாடுகளிலும், பல்வேறு நிறுவனங்களிலும் வேலைசெய்யும் நிலையில் வெகுசில மாணவர்களே சுயதொழில்களில் ஈடுபட்டு, தாமும் நன்றாக வாழ்ந்து, சமூகத்திற்கும் பெரிய வேலைவாய்ப்புக்களைக்கொடுத்துள்ளார்கள்..! அப்படியான ஒரு மாணவனை அண்மையில்   நியமித்த பழைய மாணவர் செயல் குழுவில் இணைக்க முனைய, அவர் பதிலளிக்காததால் அது சாத்தியமற்றுப் போய்விட்டது..! இருந்தாலும் இன்று காலை அவருக்கு போன் எடுத்து என்ன மாதிரியான உதவிகளை எமக்குச் செய்ய முடியும் என்று கேட்கும்போது அவர் சொன்ன சில விடயங்கள்   எனக்கு மிகவும் கவலையாக இருந்தன..! அதில், தான் மிகக் கஷ்டமான சூழலில் இருந்து, படிபடியாக முன்னேறி தற்போது ஏறக்குறைய 50 பேர்களுக்கு வேலைகொடுக்கக்கூடிய நிலைக்கு வந்துள்ளேன்..!   அதற்காக ஆரம்பத்தில்   திருகோணமலையிலுள்ள பிரதான வீதியிலுள்ள பிரபல கடைகளில் வேலைகேட்டு அலைவேன்..! சில நேரங்களில் வேலை தரமாட்டார்கள். கஷ்டப்பட்டு, சில நேரங்களில் வேலை கிடைத்தால், அதற்குச் சம்பளமாக 300 மாத்திரம் தருவார்கள்..! ஆனால் தான், இப்போது 3000 ரூபாய் கொடுத்தாலும் வேலைக்கு ஒழுங்காக ...

    திருகோணமலையில் எனக்கு நிறைய உறவினர்கள் இருக்கின்றார். முன்பு எனது குடும்பத்தினரும் இங்கே இருக்கும்போது எல்லா வீடுகளுக்கும் போய்வருவது வழக்கமாக இருந்தது. யாழ்ப்பாணம் போனபிறகு அந்த தொடர்புகள் குறைந்து விட்டன..! அவரவர்கள் அவர்களது வேலைகளில் மூழ்கிவிட்டார்கள். நானும் தான்..! அண்மையில் மச்சாளின் மகனுக்கு ஒரு மகன் பிறந்ததாகக் கேள்விப்பட்டும் என்னால் குறித்த தருணத்தில் போக முடியவில்லை. வேலைநாட்களின் போது,   மாலையில் அடுத்தநாளுக்கான தயார்படுத்தலில் ஈடுபடுவதால் எனக்கு நேரம் கிடைப்பதில்லை. வார இறுதிகளிலும் யாழ்ப்பாணம் போவதால், அந்த நாட்களிலும் இவ்வாறான விடயங்களில் கலந்துகொள்ள முடிவதில்லை. இவ்வாறாக்காலங்கள் இழுபட்டுக்கொண்டு போக கடந்த சில வாரங்களாக, வார இறுதியில் இங்கே நிற்கவேண்டிய சூழல் வந்தது. ஆனால் அங்கே போவதற்கு திட்டம் போட்டாலும் ஏதாவது தடங்கல் வந்துவிடும். இறுதியாக எனது ஒன்றைவிட்ட தங்கையுடன் போகத் தீர்மானித்தேன். நான்கு அல்லது ஜந்து முறை முயன்றும், அந்த நாட்களில் நாம் போகத் தீர்மானித்த நேரத்தில் மழைவரும்..!   சரி இவ்வாறாகத் தள்ளிப்போய், மழை வந்தாலும் போக முடியும்...

    கடல் தரையைவிட பரப்பளவு கூடியது. விசாலமானது..! ஆழமானது..! பல மர்மங்களை மறைத்து வைத்திருப்பது..! இவ்வாறாகப் பல விளக்கங்கள் கொடுத்தாலும், மணிரத்தினம் கொடுத்த விளக்கம் வித்தியாசமானது..! மீனவர்களின் வாழ்க்கையையும், கிறீஸ்தவ மதத்தின் மார்க்கத்தையும் வைத்து, ஒரு மாயம் செய்துள்ளார்..! அன்று, இந்தப்படம் ஓடவில்லை என்றார்கள்..! நான் கூடப்பார்க்க முனையவில்லை. அண்மையில் அரவிந்த சாமியின் மெய்யழகன் பார்த்தபிறகு, இந்த நடிகர் பல குடும்பத் தோல்விகளில் இருந்து மீண்டு, மீண்டும், நடிக்க வந்த படம் தான் கடல் என அறிந்தேன். அதனால் தான் இந்தப்படத்தைப் பார்த்தேன். உண்மையில், இந்தப்படம் ஏன் ஓடவில்லை..? என இப்போது யோசிக்கின்றேன்..! என்னை இந்தப்படம் கட்டிப்போட்டுவிட்டது..! மக்களின் ரசனைகள் என்றும் ஒரே மாதிரி இருக்க வேண்டும் என்ற அவசியம் கிடையாது. எல்லாருக்கும் ஒன்றை மட்டும் பிடித்தால், பூமி எப்போதே அழிந்திருக்கும்..! அர்ஜூன், அரவிந்தசாமி, கௌதம் கார்த்திக் போன்ற நாயகர்கள் போட்டிபோட்டுக்கொண்டு பாத்திரங்களாக மாறியிருந்தார்கள்..! ராதாவின் மகள் துளசியும், முதல் படமா என்று சொல்ல முடியாத அளவிற்கு நட...

    நாட்டில் பெருமாற்றத்தை ஏற்படுத்த காத்திருக்கும் எமது ஜனாதிபதிக்கு முதலில் பிறந்த தின வாழ்த்தைத் தெரிவித்துக்கொண்டு, அவருக்கு இறைவனினதும், இயற்கையினதும் ஆசியை வேண்டுக்கொண்டு, நாட்டில் அவர் ஆற்ற இருக்கும் பணிகளுக்கு நானும் என்னால் முடிந்த உதவிகளை வழங்குவேன் எனச்சொல்லிக்கொள்கின்றேன். இனவாதம், மொழிவாதம், மதவாதம், சாதிவாதம், பிரதேசவாதம் என பேசிக்கொண்டு இருந்தவர்களிடையே அவ்வாறு பயணித்தால், நாட்டிற்கு விமோசனமில்லை என்பதைப் புரிந்து கொண்டு,   அந்தவாதங்கள் அனைத்தையும் தவிர்த்து, ஒன்றாக நியாயமாக அனைத்து மக்களும் பயணிக்க வேண்டும். அது தான் இலங்கை அன்னையை மகிழ்ச்சிப்படுத்தும். வேறுமனே நீ பெரிது, நான் பெரிது என்று துணைக்கு ஆட்களை வைத்துக்கொண்டு, வீம்பு பிடிப்பதால் பெரிய பலன்கள் கிடையாது. வேண்டும் என்றால் தனிப்பட்ட நபர்களின் பைகளை நிரப்ப முடியும். நாடு அனைவருக்கும் பொதுவானது. அனைவரின் பங்களிப்பும், அதன் முன்னேற்றத்திற்கு வேண்டும். இந்த நிலையை மிகச்சரியாக, ஜனாதிபதி புரிந்து வைத்திருக்கின்றார் என்பதை நான் உணருகின்றேன். அவ்வாறு இல்லை என்றால் அடுத்த 5 வருடங்களில் தெரிந்துவிடும். ...

    எனக்கு ஏறக்குறைய 10 வயதாக இருக்கும்போது வந்த படம். அன்று என்னால் இந்தப்டத்தைப் பார்க்க முடியவில்லை. வீடியோகொப்பி கிடைக்கக்கூடிய நிலையிருந்தும் எனக்கு சில நடிகர்களின் படங்கள் பிடிக்காது. அதில் முக்கியமான இருவர் கார்த்திக் மற்றும் மோகன்..! இவர்கள் காதல் படங்களில் தான் நடிப்பார்கள். நிறைய பெண் ரசிகைகள் இவர்களுக்கு இருக்கும். எனக்கு அந்த நேரம் பிடித்த நடிகர் கமல் தான். பின்னர் பிரபு பிடிக்கும். இருந்தாலும் நீண்டகாலமாக சிவாஜி கணேசனைத்தான் பிடிக்கும். அந்த சமயத்தில் அலைகள் ஓய்வதில்லை படம் வந்தது..! அதன் பாடல்களும், காதல் காட்சிகளும் இன்றுவரை மறக்கமுடியாமல் இருக்கின்றன. பாரதிராஜா அவ்வளவு யதார்த்தமாக அந்தப்படத்தை எடுத்து இருப்பார். கார்த்திக், ராதா என்ற ஜோடி மிகப்பிரபலமாக இருந்த காலம் அது. அந்தக்காலத்தில் இவர்கள் நடித்துப் பல படங்கள் வெளிவந்தன. அதில் ஒன்று தான் கண்ணே ராதா..! படத்தில் கதை என்றால் நண்பர்கள் இருவர் ஒருவீட்டைச்சேர்ந்த இரு மச்சாள்களைக் காதலித்து, ஆள்மாறாட்டம் பண்ணித்திருமணம் முடித்து, ஒரு ஜோடி மகிழ்ச்சியாக வாழ மற்றைய ஜோடி, பிரிந்துகொண்டு தவறு செய்த   காதலியி...

    நேற்று அதிகாலையே  மழை பெய்யத்தொடங்கிவிட்டது. அதன் காரணமாக என்னால் உடற்பயிற்சி செய்ய முடியவில்லை. அத்துடன் கடந்த சில வாரங்களாக வயிற்றில் ஏற்பட்ட பிரச்சனை நேற்று கொஞ்சம் அதிக சோர்வைக்கொடுத்ததாக உணர்ந்தேன். இரு நாட்களுக்கு முதலே வெளிக்கிட்டு, யாழ்போக நினைத்தேன். இம்முறை தனியாக இரண்டு பாடங்களை எடுத்துவிட்டேன்..! அந்தப்பிள்ளைகளுக்காக நின்று சில பகுதிகளை எடுத்துவிட்டுப் போக நினைக்கவே,  வயிறு சற்று ஒத்துழைக்க மறுத்தது. இருந்தாலும் ஒருவாறு சமாளித்து நினைத்ததை முடித்துவிட்டு, எனது பதிவாளரிடம் பதில் பொறுப்பையும் கொடுத்துவிட்டு வெளிக்கிடத் தயாராக இருந்தேன். அப்போது ஒரு ஊழியர் “இன்று 1 மணியில் இருந்து கடும் மழையாக  இருக்கும் என்பதை செய்திகள் சொல்கின்றன..!” என்றார். நான் குறுகிய லீவுடன் செல்ல நினைக்க, இந்தச்செய்தி சற்று விரைவுபடுத்தியது. அந்த வகையில் உடனே போய் சாப்பிட போவதற்குத் தயார்படுத்த, மேலும் சில உணவுகள் வந்தன..! அதுமாத்திரமன்றி, சில வேலைகளும் வந்தன..! பின்னர் குறித்த நேரத்தில் போகமுடியாது என்பது புரிய, வழமைபோல் பொறுமையாக இருந்து, 2.45மணி பஸ்ஸை எடுத்தேன். நல்ல கூ...

    எனது அம்மாவின் தந்தைக்கு இந்த வியாதி 90களில் இருந்தது..! அவரது கால்கள் இரண்டிலும் அலர்ஜியாகி, இரத்தமாகவும், சில இடங்களில் காய்ந்து அயறுகளாகவும் இருந்தது. அவர் நல்ல சுத்தமாக இருக்கக்கூடியவர்.  இந்த வருத்தம் வந்தபின்னர், மிகவும் சோர்ந்து இருந்தார். நான் சிறுவனாக இருக்கும் போது, ஒரு நாவல் நிறத்திரவத்தால்  (கொண்டிஸ்) அவரது கால்களைக்கழுவி, ஏதாவது மருந்தை போட்டுவிடுவேன். ஏறக்குறைய 35  அல்லது 40 வருடங்களுக்கு முன்னர் வந்த அந்த வருத்தம், தற்போது அம்மாவின் காலிலும் வந்து இருந்தது..! அம்மாவும், ஜயா போலவே மிகவும் சுத்தமாக இருக்க வேண்டும் என்று விரும்புவார். திரும்பத் திரும்ப வீடுகளைக் கூட்டுவார். அடிக்கடி முகம், கை, கால்   என்பவற்றைக்கழுவுவார். தற்போது 80 வயதைத் தாண்டினாலும், அவரால் சும்மா இருக்க முடியவில்லை. தானே சமைக்க நினைப்பார்..! மற்றவர்கள் சமைக்கும் சாப்பாடு, அவருக்கு அவ்வளவு பிடிக்காது. சில நேரங்களில் குறைகளும் சொல்வார். அதனால் எல்லோரும் அவருடன் அளவுடனே பழுகுவோம். அம்மா உண்மையில் மிகவும் நல்லவர். ஆனால், அவருடைய சில இயல்புகள்   குறிப்பாக தான் நி...

  ஒவ்வொரு மனிதனும் தனது வாழ்க்கையில் என்னவாக இருக்க ஆசைப்பட்டாலும் அது நடப்பதும், நடக்காமல் போவதும் இயற்கையின் கையில் இருப்பதாகவே நான் நினைக்கின்றேன். சில துறைகளில் எனக்கு ஆர்வம் ஏற்படுவது கிடையாது. சிறுவயதில் நான் ஒரு நாளும் நினைக்கவில்லை ஒரு ஆசிரியராக வருவேன் என்று..! க.பொ.த சாதாரண   பரீட்சையைத் தாண்டுவேனா என்ற அவநம்பிக்கையில் இருந்த காலம், எனக்கு ஞாபகம் உள்ளது..! எனது ஒன்றைவிட்ட அண்ணன் தொடர்ந்து நன்றாகப் படித்துக்கொண்டிருந்தாலும் க.பொ.த உயர்தரப்பரீட்சையில் கோட்டை விட, எனது தாயார் என்னைப்பார்த்து, அவனே அப்படி என்றால் உனது நிலை என்ன..? என்பதை யோசித்துப்பார் எனச்சொல்வார்..! நான் என்னத்தை யோசிக்கின்றது..! வாறது வரட்டும், போறது போகட்டும் என்று இருந்து விடுவேன். காலம், என்னை இந்தியா அழைத்துச்சென்று, ஒரு பட்டத்தையும், பல தொழில்கள் செய்யும் ஆற்றலையும் கொடுத்து, அனுப்பினாலும் ஏதோ தெரியவில்லை என்னுடன் ஆசிரியர் தொழிலே ஒட்டிக்கொண்டது..!   பின்னர் அது வேறு   வேறு பரிமானங்களை எடுத்து, இறுதியில் பணிப்பாளர் ஆக்கிவிட்டது..! இந்த வளர்ச்சியின் இடைப்பட்ட காலத்தில் பல ...

  கடந்த மூன்று வாரங்களுக்கு மேலாக எந்தச் சாப்பாட்டை சாப்பிட்டாலும்,   எல்லாம் விரைவாக வெளியேறிவிடுகின்றன..! நானும் வெளிக்கடைகளில் எடுத்துச் சாப்பிட்டாலும் அதே நிலை தான். ! ஊருக்குப் போய் சாப்பிட்டாலும் அதே நிலை தான்..! சரி எமது சிற்றூண்டிச்சாலையில் சாப்பிட்டாலும் மாற்றம் ஒன்றும் இல்லை. அதே நிலைதான் தொடர்கின்றது..! இடையிடையே வெந்தயத்தை தண்ணீருடன் விழுங்குவேன்.   சற்று தணியும், பின்னர் திரும்பவும் ஆரம்பிக்கும்..! சில சமயங்களில் வயிற்றுக்குள் யாரோ தொதல் கிண்டுவது போல் இருக்கும்..! சில சமயம் பல வித ஒலிகள் கேட்கும்..! உள்ளே ஏதாவது போர்கள் நடக்கின்றதா   என்று தெரியவில்லை..! ஒரே இசைக்கச்சேரி தான்..! இளையராஜா மற்றும் ஏ.ஆர்.ரகுமானே தோற்றுவிடுவார்கள் போல் அவ்வளவு வேறுபட்ட இசைகள் ஒலிக்கின்றன..! அவற்றை ஒரு சமயம் பதிவு செய்யவும் நினைத்தேன். பின்னர், எமது இசை வல்லுனர்கள் பிழைத்துப்போகட்டும் என்று, இயற்கையினது இசையை மறைத்து விட்டேன். இன்று காலை உடற்பயிற்சி செய்யும் போது, அந்த சத்தங்கள்   எனக்குப் பெரிதாகக் கேட்டன. பயிற்சிக்கு முன்னரும், பின்னரும் குளியறைக்குச் செல்லவ...

    ரஜனி என்ற தமிழக உச்ச நட்சத்திரம் இந்த வயதிலும் இப்படியான ஒரு படத்தில் நடித்ததற்காக முதலில் அவரைப் பாராட்ட வேண்டும். வழமையான மசாலாப்படம் போல் சில பகுதிகள் இருந்தாலும் இந்தப்படம் அனைவரும் பார்க்க வேண்டிய கல்விக் கொள்ளையர்கள் தொடர்பானது. இது பிறநாடுகளில் மாத்திரமல்ல..! எமது நாடுகளிலும்  இவ்வாறு காணப்படுவதை யாராவது உங்களால் உணர முடிகின்றதா..? அப்படி ஏதாவது இருக்கின்றது என்றால் சொல்ல முடியுமா..? ஒரு சிறிய உதாரணம்.   ஒரு வகுப்பில் 40 பேருக்கு மேல் வைத்துப் படிப்பிக்கக்கூடாது என்று சட்டம் போட்டு, எத்தனையோ பிரிவுகளை பாடசாலைகளில் வைத்திருக்கும் கல்வி நிர்வாகம், ஒரு சாதாரண கல்வி நிலையத்தில் ஒரு வகுப்பில் 1000 மாணவர்கள் இருந்து படித்தால், நிறைய அறிவு கிடைக்கும் என்பதுடன், பிடித்த துறைகளில் பல்கலைக்கழகம் போகமுடியும் என்று அவற்றைத் தீர்மானிக்கும் காரணிகளாக மாறிவருவதை எப்படிச்சொல்வது..?   இவ்வாறான நடவடிக்கைகள், குறிப்பாக வறியவர்களையும், கிராமப்புறங்களில் படிக்கும் மாணவர்களையும் பாதிக்கும் என்பதை உங்களில் எத்தனை பேரால் ஏற்றுக்கொள்ள முடிகின்றது..? இதே போன்ற சூழ்நிலை...

  இந்தப் பிரபஞ்சம் எப்படி உருவாகியது..?  என்றும் உயிர்கள் ஏன் உருவாகியது..? என்றும் உணவுக்காக ஏனைய உயிர்களை கொல்லும் உயிர்களைத் தவிர, ஆசைக்காக உயிர்களைக் கொல்லும் ஒரே உயிரினம் மனித இனம் என்பது தான் இந்தப்படத்தின் கரு..!   சரியான இந்தக் கருத்தைச் சொன்னதற்கு ஹிப்பொப் தமிழா ஆதியைப் பாராட்டலாம். அதேபோல், நாம் காணும் உயிர்களும், அந்நேரச்சூழ்நிலைகளும் ஏதோவோர் சிவப்புக் கயிற்றால் பிணைக்கப்பட்டுள்ளது என்ற சீனப்பழமொழியைச் சொன்னதும் சிறப்பு..! புதிய சிந்தனையாகவும், கற்பனையாகவும் இந்தக்கதை உருவாக்கப்பட்டுள்ளது..! ஆனால் இதேமாதிரியான ஒரு சூழல் உண்மையில் உருவாகிக்கொண்டிருப்பதாக இரகசியத்தகவல்கள் சொல்கின்றன. எது எப்படியோ..? காலம் அதற்கான பதிலைச் சொல்லும். உலகே இரு அணிகளாகப் பிளவுபட்டு, அவற்றிற்கிடையே பெரும் சண்டை நடக்கின்றது. அந்த சமயத்தில் பலர் கொல்லப்படுகின்றார்கள். அதற்குள், இந்தியாவிற்கு எதிரான அணி, இலங்கையின் உதவியுடன் தமிழ்நாட்டிற்குள் ஊடுருவி, பல அநியாயங்களைச் செய்கின்றது..! அதில் பலர் கொல்லப்படுகின்றார்கள். அதில் இருந்து எப்படி தமிழக முதல்வரையும், அவரது மகளையும், ஏனை...

    தமிழர்கள் என்ற இனக்குழு காலமாற்றங்களில் பல இனக்குழுக்களாக மாறிவிட்டன..! எஞ்சியிருக்கும் தூய தமிழர்களும் சாதி மற்றும் சமயங்களாலும், பொருளாதார ஏற்றத்தாழ்வுகளாலும் பெரிதும் பிளவுண்டு கிடக்கின்றார்கள்..! இவர்கள் எவ்வளவு மூத்த இனமாக இருந்தாலும் இன்னும் ஆதிவாசிகள் போல் நாகரீகங்கள் அறியாதவர்களாக அல்லது அறிந்தும் அதனைக்காட்டாது, பண்பற்றவர்களாக இருப்பது மிகவும் ஆச்சரியமானது..! ஏன் இந்த முரண்கள் வருகின்றது என்றால் தமிழனுக்குத் தமிழனே எதிரியாக இருக்கின்றான்..! ஒருவன், ஒரு நல்லதைச் செய்தால், போட்டி மற்றும் பொறாமையால் அந்தச்செயலில் குறைகளை மாத்திரம் தேடுகின்றான். அப்படி ஒரு குறை கிடைத்தால், அதைப்பெரிதாக்கி, குறித்த நன்மை செய்தவனை, இனிமேல் அவ்வாறான காரியங்களைச் செய்யவிடாது தடையாகவும் மனதிற்கு பெரும் வேதனையாகவும் மாற்றுகின்றான்.   நீ நல்லது செய்..! அல்லது செய்பவனை பாராட்டு..! அது உன்னால் முடியாது என்றால், பொறுமையாக இருக்கக்கூட முடியாதவானக இருப்பது ஆச்சரியமாக உள்ளது. இது இலங்கை, தமிழ்நாடு போன்ற தமிழர்களின் தோற்றிடங்களிலும், உலகின் பல நாடுகளிலும் குறிப்பாகக் கனடா, இலண்டன்,...

  ஆங்கிலேயர்களிடம் இருந்து சுகந்திரம் பெற்றாலும், நாடு விடுதலையடையாமல் ஒவ்வொரு ஆளும் அரசியல் கட்சிகளின் கீழ் மாட்டிக்கொண்டது காலத்தின் கொடுமை..! இது சிங்களவர்களுக்கு மட்டும் அல்ல..! ஏனைய இன, மத, மொழி, சாதி சமூகங்களின் நிலையும் இதேதான். “வெள்ளையாக இருப்பவன் நல்லவன்” என்ற மோட்டு அடிப்படைக்கொள்கையில் மக்கள் அடிமைப்படுத்தப்பட்டார்கள்..! எல்லா இனங்களிலும் இவ்வாறான தன்மைகள் இருந்துள்ளன. ஆனால் அதிகம் பாதிக்கப்பட்டது, இந்து சமயத்தின் அடிப்படையில் வந்த மதங்களினைப் பின்பற்றுபவர்கள் இடையே தான்..! சமூதாயக்கட்டமைப்பில் கீழேயுள்ளவன் எப்போதும் கீழே இருக்கும் விதமாகவும், மேலேயுள்ளவன் எப்போதும் மேலே இருக்கக்கூடியவாறும், வெளிப்படையாகக் காட்டாமல், தந்திரமாக இந்த நகர்வுகளை நடாத்திச் சென்றவர்களே எமது பெரும்பாண்மையான அரசியல் வாதிகள்..! அவர்களில் சில நல்லவர்கள் இருந்தாலும், அவர்களின் குரல்கள் நெரிக்கப்பட்டே இருந்தன..! இதில், தமிழ் அரசியல் வாதிகளும் விதிவிலக்கு அல்ல. இவ்வாறான இலங்கையின் அரசியல் பயணத்தின்போது ஏற்பட்ட யுத்தவெற்றி, சில அரசியல்வாதிகளை கடவுளாக்கியது..! அதேபோல் கொரோனாவும், பொருளாத...