நான், பெரியவர்கள் மாதிரி சில வாக்குகள் கொடுத்துவிட்டு, எனது மறதி காரணமாக அவற்றை நிறைவேற்றாமல் விடுவதுண்டு..! பொதுவாக மறதி வராமல் இருக்க, சிறு குறிப்புக்கள் எழுதி வைப்பதுண்டு. சில சமயம் அதையும் சேர்த்து மறந்துவிடுவேன்..! மறதி பெரும் குறையாக இருந்தாலும், அதனையும் நான் நன்மையாக எடுத்துக்கொள்கின்றேன்..! என்னைக் காயப்படுத்தும் அளவிற்குத் துரோகங்கள், ஏமாற்றுக்கள், களவுகள் போன்றவற்றைச் செய்துவிட்டு என்னுடன் நல்லவர்கள் போல் பழகும் மக்களைப் பற்றித் தெரிந்தாலும், இந்த எண்ணம் காரணமாக அவர்களை மன்னித்துவிடுவேன். மறதியால் விரோதிகள் குறைவு..! நல்ல ஞாபகத்துடன் இருந்தால், இருக்குமிடம் எல்லாம் பதட்டத்துடனே இருக்க வேண்டும். எனது தற்போதைய நிலைக்கு அவை ஒத்துவராது. மறதியால் தம்பியின் மகனுக்கு கொடுத்த வாக்கைக் காப்பாற்ற நீண்ட காலம் எடுத்துவிட்டேன். அவர் 5ம் ஆண்டு புலமைப்பரீட்சையில் சித்தியடைந்து, எமக்கும், அவரது கிராமப் பாடசாலைக்கும் பெருமை சேர்த்ததால் ஏதாவது செய்ய வேண்டும் என்று இருக்க, எனக்கு முந்திப் பலர், பல உதவிகளைச் செய்துவிட்டார்கள்..! சரி இருந்தாலும், யாரும் அவரையும் அவரது அக்காவையும் அழைத்...

    நிறையத்திட்டங்களை வைத்திருக்கும் சமயம், தலைமையகத்தில் இருந்து மத்திய குழுக் கூட்டத்திற்கான அழைப்பு வந்திருந்தது..! அவ்வளவு தான், போட்ட திட்டங்கள் எல்லாம் தடுமாறின..! இந்தத் திட்டங்கள் எல்லாம் மாணவர்கள் நன்மைக்காக போடப்பட்டவை. விசேட வகுப்புக்கள் எடுத்து, ஒரு மீள்பார்வை செய்ய வேண்டும் என்று எல்லாம் நினைத்தேன். அத்துடன் வரவு போதாமையால், பாதிக்கப்பட்ட மாணவர்களுக்கு, கடந்த கால வினாக்களை எழுதவும் படிக்கவும் சொல்லி, அதில் இருந்து கேள்விகள் கேட்டு, அவர்களின் தகுதி, சிறப்பாக இருந்தால் பரீட்சைக்கு அனுமதிக்கவும், தவறியவர்களுக்கு சில நாட்கள் அவகாசம் கொடுத்து, அடுத்த கட்ட  தகுதித்தேர்வை வாய் மூலமான கேள்விகளூடாக நடாத்துவதற்குத் திட்டம் போட்டிருந்தேன். தலைமையகக்  கூட்டத்தால், அனைத்தும் பிற்போட அல்லது கைவிட வேண்டிய நிலைக்குப் போய்விட்டது..! மார்கழி மாதம் 13ம் திகதி வியாழக்கிழமை, நினைத்த படியே, சில திட்டங்களை மாத்திரம் முடித்தேன்..! அதில் ஒன்று, இந்த மாதத்திற்கான நிறுவனக் கூட்டம். அடுத்து, எமது வெள்ளிவிழா மலருக்கான புகைப்படம் எடுத்தல். அதுமாத்திரமன்றி, அன்று மதியம் ஒழுங்கு செ...

  அண்மையில் நடந்த யாழ் மற்றும் கிளிநொச்சி மாவட்ட ஒருங்கிணைப்பு குழுக்கூட்டங்களில் பாராளுமன்ற உறுப்பினர் வைத்தியர் அர்சுனா பல உண்மைகளை வெளிக்கொண்டுவந்துள்ளார்..! அவர் ஏற்கனவே மருத்துவத்துறை சார்ந்த தவறுகளைச் சுட்டிக்காட்டியதால் தான் மக்கள் மத்தியில் இந்த அளவிற்கு விஸ்வரூபம் பெற்றுள்ளார்..! இன்னும் கவனத்துடனும், உண்மையுடனும் நின்று, மேலும் நல்ல நாட்டிற்குத் தேவையான விடயங்களை ஆற்ற வேண்டும் என்று கேட்பதுடன், சான்றுகள் போதியளவு கிடைக்காவிட்டால், யாராவது சிலரது கருத்துக்களை வைத்துக்கொண்டு, அது தான் உண்மை என்றும் வரக்கூடாது. இந்தப்பூமியில் வல்லவனுக்கு வல்லவன் எப்போதுமே தோன்றுவார்கள்..! உண்மை பேசுவதிலும் மிக மிக உண்மையானவர்களும் வருவார்கள்..! நல்லவர்களிலும் இன்னும் இன்னும் எல்லா விதங்களிலும் ஏற்றுக்கொள்ளக்கூடிய நல்லவர்களும் வந்துகொண்டே இருப்பார்கள்..! இது தான் உண்மை. சில நூறு ஆண்டுகளில் இங்கு தடம் பதித்தவர்கள் இருப்பார்களா என்பது கேள்விக்குறி தான்..! ராஜ ராஜ சோழனைத் தவிர மற்றைய எல்லா அரசர்களும் மக்கள்  மனங்களில் நீண்ட காலத்திற்கு இடம்பெறவில்லை..! ஆனால் எத்தனையோ நல்ல மனிதர்கள், ஆட்சி...

    மனித உணர்வுகளை அழகாகச் சொல்லும் சில படங்களில் இந்தப்படத்தையும் ஒன்றாகச் சேர்க்கலாம்..! உண்மையாக நடந்த சம்பவம் என்றாலும் சரியான திரைக்கதையால் தான் அவற்றை பார்வையாளர்களுக்குச் சரியாகக் கடத்த முடியும். அந்த வகையில் இந்தப்படத்தின் இயக்குனர் ராஜ்குமார் பெரியசாமி பாராட்டிற்கு உரியவர். படத்தின் கதை என்னவென்றால், இந்தியன் ஆமியில் வேலைசெய்வதே கனவாகக் கொண்ட இளைஞனுக்குக் காதல் வருகின்றது..! அது அடுத்த மாநிலத்தைச் சேர்ந்த, வேறு மதத்தைச் சேர்ந்த, வேறு மொழியைச் சேர்ந்த பெண் மீது வருகின்றது. .! அதே காதல் அவளுக்கும் வருகின்றது..! பல போராட்டங்களின் பின், காதல் கைக்கூடிப் பரிசாக ஒரு மகளும் வருகின்றாள். அந்த சமயத்தில் காஷ்மிரில் தேர்தல் வர, அந்தக்கடமைகளில் ஈடுபடும்போது, ஆமியில் இணைந்து கப்டனாகி, பின்னர் மேஜராகி, இறுதியில் தீவிரவாதியை அழித்து, நாட்டுக்காகத் தன்னையே இழக்கின்றான் அந்த காதல் நாயகன். இந்தக்கதை, சொல்லப்பட்ட பார்வை, அந்தக்காதலியின் உணர்வுகளூடே பயணிக்கின்றது..! சாதாரண ஆண்களுக்கே கண்ணீர் வருகின்றது என்றால், பெண்களின் நிலை உண்மையில் ஆச்சரியமான திரைக்கதை..! சிவகார்த்திகேயன், ...

  நான், யாழ்ப்பாணத்திலுள்ள உயர் தொழில்நுட்பவியல் நிறுவனத்தில் பணிப்பாளராகக் கடமையாற்றும்போது சில கொள்கைகளை எமது ஊழியர்களுக்குத் தெரியப்படுத்தி இருந்தேன். அவை முதலில் அனைவரும் ஒற்றுமையாக இருக்க வேண்டும்.   ஒவ்வொரு விடயங்களையும், கதைத்து அது தொடர்பாக விவாதித்து, சரியான முடிவை எடுத்த பின்னரே நடைமுறைப்படுத்த வேண்டும். அரச விதிமுறைகளை ஒழுங்காகப் பின்பற்ற வேண்டும். லீவுகளை மிகக் குறைவாகவே எடுக்க வேண்டும். எல்லாவற்றையும் தாண்டி, எமது கடமைகளை யாரும் குறை   சொல்லாத வகையில் செய்ய வேண்டும்.  அதுமாத்திரமன்றி, கால மாற்றத்தால் எல்லோர் கைகளிலும் மோபைல் போன்கள் உள்ளன..!   சீசீரீவி கமெராக்கள் பெரும்பாலான இடங்களில் இருக்கின்றன. சரியான முறையில் நடக்க வேண்டும். இல்லை என்றால் இவை எங்கும் போகலாம்..! இதைத்தாண்டி, ஏதாவது பிரச்சனைகள் அல்லது முரண்பாடுகள் இருந்தால், பொதுக்கூட்டங்களில்   அவற்றை எழுப்பும்படி சொல்லியுள்ளேன். பொதுக்கூட்டங்களை ஒவ்வொரு மாதமும் நடத்துவது வழக்கம்..!  கொரோனாவிற்குப் பிறகு, சில நடைமுறைகளில் மாற்றம் உலக அளவில் ஏற்பட்டதால், அதற்கு ஏற்ப கூட்டங்களைக் குறைத்து...

  எமது கண்ணைப்பொறுத்தவரை, அதற்கு ஒரு பார்வைப்புல எல்லையுண்டு..! அந்த எல்லை வரையே சாதாரண ஒரு மனிதனால் பார்க்க முடியும்..! அதேபோல் ஒளி அலைகளை உள்வாங்கக்கூடிய  கண்களின் தன்மையும்,  ஓர் அளவிற்கே உண்டு..! குறிப்பாகச் சொல்லக்ககூடிய விப்ஜியோர் (VIBGYOR) எனப்படும் நிறங்களை மாத்திரமே எம்மால் பார்க்க முடிகின்றது..! அந்த நிறங்களின் ஒளி அலைகளே கண்களுக்குள் செல்ல இயலுகின்றன..! அதைத்தாண்டிய ஊதாக்கடந்த பகுதி அல்லது செந்நிறக்கீழ் பகுதி என்று சொல்லக்கூடிய பகுதியிலுள்ள அலைகளைக் கண்களால் உணரமுடியாது..! அப்படி உணர முடியுமாயின் பல அலைகள், எமது கண்களுக்குள் மாட்டும்..! யோசித்துப் பாருங்கள், நுணுக்குக்காட்டியளவிற்கு எமது பார்வை வீச்சம் இருந்தால், மக்களோடு இணையவோ அல்லது உணவுகளை உண்ணவோ மனம் வராது..! ஒரு புண்ணைப்பார்த்தால், வாழ்க்கையே வெறுத்துவிடும். அவ்வளவு நுண்ணுயிர்கள் இந்தப் பூமியில் படைக்கப்பட்டு இருக்கின்றன..! இறைவனுக்குத் தான் தெரியும், எல்லாவற்றிற்கும் ஒரு அளவு உண்டு என்பது..! இன்னும் சில காலங்களில் ஒளி எல்லைகளும், ஒளி வேலிகளும் வரலாம்..! இயற்கையாக இருக்கும்  அல்லது அமைக்கும் வே...

  சின்ன வயதில் இருந்தே இராமாணயம் தெரியும். அதில் வரும் இராமர் மற்றும் சீதை பற்றி ஒரு கனவு உருவம் இருக்கும். சீதை என்றால் இப்படித்தான் இருக்க வேண்டும். இந்த முக அமைப்பில் இருக்க வேண்டும். இராமன் என்றால் இப்படியான தோற்றத்தில் தான் இருக்க வேண்டும் என்ற அடிப்படையை மாற்றி, எடுத்த உணர்வு எனக்கு ஏற்பட்டது. அதேபோல் இராவணன் என்றால் எப்படியிருக்க வேண்டும் என்ற ஒரு இலக்கணம் எனக்குள் இருந்தது..! இந்தப்படத்தைப் பார்த்தபோது, இராவணன் ஐரோப்பிய நாட்டைச் சேர்ந்தவன் போலவும், இராமன் தென்னிந்தியாவை சேர்ந்தவன் போலவும், சீதை பாகிஸ்தான் அல்லது ஆப்கானிஸ்தானைச் சேர்ந்தவர் போலவும், கதாபாத்திரங்களுக்கு ஆட்களைத் தெரிவு செய்தது, எனக்குப் பிடிக்கவில்லை. அதனால் கதையில் ஒட்டமுடியவில்லை. இலங்கையை அமெரிக்கா மாதிரிக்காட்டி வேறுப்பேற்றியுள்ளார்கள். எவ்வளவு அழகான இயற்கையான விடயங்கள் இலங்கையில் இருக்க, கணினி வரைகலை இருக்கு என்பதற்காக சும்மா பணத்தை இறைத்துள்ளார்கள்..! அதேபோல் இராமரின் வில் மற்றும் அம்பு   வடிவமைத்த விதம், புஷ்பக விமானம் என எதையும் நான் நினைத்த மாதிரி வரவில்லை என்பது எனது எண்ணம். இந்தப்படத்...

  கடந்த 12 நாட்களுக்கு பிறகு ஊருக்குத் திரும்பும் மகிழ்ச்சியில் பஸ் தரிப்பிடத்தில் நிற்கும் போது, ஒரு பள்ளிக்கூட மாணவரும் பஸ்ஸிற்காகக் காத்திருந்தான். அருகிலுள்ள ஒரு ஊருக்குப் போகின்றான் என நினைத்துக்கொண்டு எங்கே போகின்றீர்கள் என்று கேட்கப் “பருத்தித்துறை” என்றான்.   நானும் இன்று அந்த பஸ்ஸைப் பிடிக்கத்தான் வந்துள்ளேன் என்று சொல்லிக்கொண்டு அவனுடன் கதைக்கத்தொடங்கினேன். 9ம் ஆண்டு படிக்கும் மாணவன் நீண்ட காலம் பருத்தித்துறை கற்கோவளம் பகுதியில் வசித்துவந்துள்ளார். அவரது தந்தையார் அண்மையில் ஓமான் போனதால் தாயாரின் ஊரான திருகோணமலையில் தற்போது இருக்கின்றார். அன்புவழிபுரத்திலுள்ள கலைமகள் வித்தியாசாலையில் படிக்கின்றார். படிப்பில் ஆர்வமுள்ளவர். அவரது குடும்பத்தில் அவர் தான் மூத்தவர். சின்ன பையன் என்றாலும் தனியாகத் தனது அப்பம்மா வீட்டிற்குச் செல்கின்றார். அங்கே அத்தையும், அப்பம்மாவும், அத்தையின் பிள்ளையும் இருக்கின்றார்கள். தனக்கு விஜய் பிடிக்கும் என்றும், பஸ்ஸில் எந்நேரமும் போனுடன் ப்ளூருத் இயர்பட்டை காதில் வைத்திருந்தார்..! ரூபா.1000 இற்கு ப்ளூருத் இயர்போனை வாங்கியதாகச் சொன்னார். இர...

  இந்த வாரம் வெள்ளி இரவு வந்து சனி நின்றுவிட்டு ஞாயிறு போகலாம் என்று நினைக்க உறவினர் ஒருவரினது மகனின் பிறந்த நாள் அழைப்பிதழ் வீட்டில் இருந்தது.   அதே அழைப்பிதழ் அம்மா, தம்பி வீட்டிற்கும் கொடுக்கப்பட்டிருந்தது. சரி, கலந்துகொள்வோம் என்ற முடிவுடன், திங்கட்கிழமை மாலைக்கு திருகோணமலை செல்லும் பஸ்ஸை புக்பண்ணிவிட்டு, வழமைபோல் வீட்டு வேலைகளைச் செய்துகொண்டிருக்க, முன்பு என்னுடன் வேலைசெய்த, யாழ் நிறுவன ஊழியர் ஒருவரது சில வேலைகளும் இருந்தன. அதனையும் செய்து முடித்து, ஒரு கப்பல் வாழை மரத்தையும் நட்டுவிட்டு, குளித்து முழுகிச் சாப்பிட்டு, பின்னர் சிறு தூக்கம்போட்டுவிட்டு, மாலை நானும் மனைவியும் அம்மாவீடு சென்று தம்பி மனைவி மற்றும் பிள்ளைகளை ஏற்றிக்கொண்டு உறவினர் இடமான அச்சுவேலிக்கு சென்றோம். வழமையாகப் போகும் பாதையில் போகாமல், வேறு பாதையால் போகத்தீர்மானித்தோம். நாட்டின் ஜனாதிபதி மாறியதால் பல மாற்றங்கள் நடந்துள்ளன..! அதில் ஒன்று, பலாலி வீதி திறக்கப்பட்டது..! அந்த வசாவிளான் வீதி ஊடாக அச்சுவேலிக்கு விரைவாகச் செல்ல முடியும். சரி, இந்தமுறை அந்த வீதியைப் பயன்படுத்துவோம் என்று அந்தத் திசையில் ...

  இந்தப் பாடசாலைக்கும் எனக்கும் சிறுவதில் இருந்தே தொடர்பு உண்டு. எனது தாயாரின் தயார் இந்த உடுவில் மகளிர் கல்லூரியில் படித்தவர். அதனால் அந்தக்காலத்தில் அதனைப் பெருமையாக பலருக்குச் சொல்வார். எனது அம்மம்மா படிக்கும் காலத்திலேயே ஏறக்குறைய 100 வருடங்களுக்கு மேல் இந்தக் கல்லூரி சேவையாற்றியுள்ளது. அதன்பிறகு எனது தாயாரிற்கு அந்தக்கல்லூரியில் படிக்கும் வாய்ப்பு, அவர்களது குடும்பப்பொருளாதாரம் காரணமாக இருக்கவில்லை..! இருந்தாலும், எனது தாயார் தனது பிள்ளையை எப்படியாவது உடுவில் மகளிர் கல்லூரியில் படிக்க வைக்க முனைந்தார். அவர் நினைத்தது போல், முன்பள்ளி, பின்பள்ளி என்று தொடங்கி வகுப்பு மூன்று வரை ஏறக்குறைய எனக்கு எட்டு வயது வரை உடுவில் மகளிர் கல்லூரியில் படித்த பெருமை உண்டு. இந்தப்பாடசாலை எமக்கு கிட்ட இருக்கின்ற பாடசாலையும் கூட.   அத்துடன், எனது வீட்டில் நான் மூத்த பிள்ளை என்பதால் ஏதோவிதங்களில் கஷ்டப்பட்டு கடன்கள் வாங்கி உடுவிலில் படிப்பித்தது என்பதில் எனது தாயாரிற்குப் பெரிய பெருமையுண்டு. “தான் போகாவிட்டாலும், தன் மகன் போயுள்ளான்” என்பதை நினைத்து..!   அதேவேளை, எனது தங்கை என்னை விட 1...

    இந்த உலகில் எத்தனையோ மொழிகள் இருக்கின்றன..! இவை எப்படித்தோன்றியது என்று யோசிக்கும் போது விளங்குவது, ஒவ்வொரு சமூகக் குழுக்கள் தங்களுக்கிடையே உணர்வுகளைப் பரிமாற, தகவல்களைப் பரிமாற, கலாசாரங்களை வெளிப்படுத்த, அந்த அந்த சமூகக்குழுவிலுள்ள அறிவான  அல்லது ஆற்றல்மிக்க மனிதர்களால்  உருவாக்கப்பட்டதென்றே தோன்றுகின்றது. எந்த மொழி என்றாலும் அதற்கு ஒரு தோற்றுவாய் உண்டு. ஆனால் நீண்ட காலப்புழக்கத்தால் சில தோற்றுவாய்கள் மறைந்து விட்டன..! ஆய்வுகளிற்கும் கிட்டாத வகையில் அவை இருக்கின்றன. சில வேளைகளில் இனிவரும் ஆய்வுகளில் அவை வெளிக்கொணரப்படலாம். இவ்வாறு எத்தனையோ மொழிகள் தோன்றியதன் பின்னர், ஒரு இனக்குழு இன்னோர் இனக்குழுவுடன் சேரமுடியாத, தொடர்பாட முடியாத செயற்கைத் தடையை மனிதனே போட்டுக்கொண்டான். எந்த விலங்குகளுக்கும் அவ்வாறான தடைகள் இல்லை..! இலங்கைப் பூனையை அமெரிக்காவில் விட்டாலும், அந்த நாட்டுப்பூனையுடன் அதனால் தொடர்பாட முடியும். காரணம் அவை இறைவனின் மொழியுடனே இருக்கின்றன. சைகையா அல்லது சத்தமா அல்லது அவற்றின் உடல் அசைவுகளா எப்படியும் இருக்கலாம்..! அறிவான மனிதனுக்கு அறிவாலே ஆப்படிக்...

    இந்தப்பூமியில் பல விதமான வாழ்வியல் நுட்பங்கள் இருக்கின்றன. அவை பொதுவானதாகவும், சில விசேட தன்மைகள் கொண்டதாகவும் இருக்கின்றன. பொதுவான நுட்பங்களைப் பொறுத்தவரை பலரின் கவனத்தைப்பெற்று, நடைமுறையில் இருப்பதற்கான வாய்ப்புகள் அதிகம் இருக்கும். ஆனால், தனிப்பட்ட வாழ்வியல் நுட்பங்கள் சில நபர்களிடம் மட்டுமே இருக்கும். பலரால் அதைப் புரிந்து கொள்ள முடியாமலும்  அல்லது ஏற்றுக்கொள்ள முடியாமலும் இருக்கலாம். பொதுவாக நித்திரை கொள்ளவேண்டும் என்றால் இருட்டாகச் சூழல் இருக்க வேண்டும் என்று தான் பலர் விரும்புவார்கள். அல்லது அவ்வாறாகப் பழக்கப்பட்டவர்கள் அதிகம் இருக்கின்றார்கள்..! ஆனால் சிலர், நல்ல வெளிச்சத்தில் நிம்மதியாக உறங்கும் இயல்பைக்கொண்டவர்கள் இருக்கின்றார்கள்..! அதற்குப் பல காரணங்கள் உண்டு. முதலாவது காரணம், திடுக்கிட்டு எழும்பும்போது தடுமாறத்தேவையில்லை..! சூழல் தெளிவாகப் புரியக்கூடியதாக இருக்கும். அதேவேளை இந்தப்பழக்கத்தால் மின்சார செலவுகள் சற்று அதிகமாக ஏற்படலாம். இருட்டை விட வெளிச்சத்தில் நுளம்புத்தொல்லைகள் குறைவு..! நுளம்பு வலையில்லாவிட்டாலும் ஓரளவிற்கு உறங்க முடியும். அதேபோல்...

  2013இல்   வெளிவந்து பெரிதும் பேசப்பட்ட திரைப்படத்தை பார்க்க எனக்கு இப்போது தான் நேரம் கிடைத்தது..! அதற்கு இன்னொரு காரணமும் உண்டு. அந்தநேரம் இந்தப்படத்தின் முடிவு ஒரு எதிர்மறையான தன்மையைக் கொண்டிருந்தது. அதைச்சகிக்கும் பக்குவம்   அப்போது எனக்கு இல்லை. ஏறக்குறைய எனக்கு 50 தாண்டிய பிறகு தான் சில ஞானங்கள் வந்தன..! இப்போது இந்தப்படத்தைப் பார்க்கும் போது ஏன் அன்று பார்க்கவில்லை எனத்தோன்றியது..? வழமையாக, பாலாவின் படங்கள் என்றாலே காட்சிகள் செதுக்கப்பட்டே இருக்கும். இங்கும் அது நிரூபணமாகியுள்ளது..! ஆங்கிலேயர்கள் எம்மை அடிமைப்படுத்திய காலத்தில், அவர்களுக்குக் கீழ் வேலைசெய்த எமது மக்கள், தங்கள் இனத்தில் பற்றுப் பாசம் அற்று மிருகங்களாக இருந்ததனை நினைக்க மிக வேதனையாக இருக்கின்றது. தமிழனுக்கு எதிரி வெளியில் இல்லை..! தமிழனுக்கு எதிரி தமிழனே..! இந்தத்தலைவிதியை யார் மாற்றி அமைக்கின்றார்களோ அன்றில் இருந்தே தமிழினம் உலகத்தின் மதிக்கப்படும் ஒரு மூத்த இனமாக அனைவராலும் ஏற்றுக்கொள்ளப்படும். ஆங்கிலேயர்கள் எம்மை அடிமைப்படுத்தியதன் காரணம் பொருளாதாரச் சுரண்டல்..! ஆனால் எமது மக்கள், எமது...

    இம்முறை திருகோணமலை, கொழும்பு, யாழ்ப்பாணம் மீண்டும் திருகோணமலை என்று  சுற்றவேண்டி வந்துவிட்டது..! சில சமயம் பணிப்பாளர் நாயகம் எமது நிறுவனத்தைவிட்டு விடைபெறவேண்டிய சூழல் ஏற்பட்டால் எம்மைச் சந்திக்க முடியாது என்பதற்காக இந்த திடீர் கூட்டம் ஒழுங்கமைக்கப்பட்டது..! சரி, பிழைகள் தாண்டி ஒருவாறு அந்த அலைச்சல் முடிவுக்கு வந்துவிட்டது..! வழமைபோல் இன்று வீட்டுவேலைகள் சில செய்துவிட்டு, மாலை பஸ்ஸில் திருகோணமலைக்கு புறப்பட்டேன். இரண்டாவது மகள் ரியூசன் என்று 2.30 இற்கே சென்றுவிட்டார். 3.30இற்குள் வருவேன் என்றாள். ஆனால் வரமுடியவில்லை. நான் மற்றவர்களிடம் விடைபெற்று வெளிக்கிடவேண்டி வந்துவிட்டது. மருதனார் மடச்சந்தியில் சவ ஊர்வலம் வந்துகொண்டிருந்தது. சிறிது நேரத்தில் அந்தச் சந்தியில் பட்டாசுக் குவியல்களைக் கொழுத்தத் தொடங்கினார்கள். அது வெடித்துமுடிய எனக்கு வெறுத்துவிட்டது..! வீதிப்போக்குவரத்துக் காவல்துறை மற்றும் மக்கள் பொதுப் போக்குவரத்துக்களுக்கு இடைஞ்சல் செய்யாமல் செயற்பட நிபந்தனைகள் விதிக்க வேண்டும். நல்ல அறிவுரைகள் மக்களுக்குச் சொல்லப்பட வேண்டும். அவசர சிகிச்சைக்குச் செல்பவர்கள்...