போகுமிடம் வெகுதூரமில்லை..!

-

 

 



எனது தங்கையினது சிபாரிசின் பேரில் இந்தப்படத்தைப் பார்த்தேன். மிகவும் வித்தியாசமாக படத்தின் திரைக்கதை அமைந்திருந்தது..!

அண்மைக்காலங்களில், விமலின் படங்கள் பெரிய அளவில் வெற்றிபெறாவிட்டாலும், அவரது படங்களின் கதைத்தேர்வுகள் நன்றாக இருக்கின்றன. வழமையான நடிகர்களின் சும்மா மசாலாப்படங்களுக்கு நடுவே மாட்டி, வெளியில் இவரது படங்கள் தெரியவில்லை..! நல்ல படங்களை எப்படியும் வெளியே கொண்டுவருவது ஊடகங்களின் கடமை. ஆனால், தற்போது இருக்கும் ஊடகங்களும் நியாயமற்ற, ஒரு பக்க ஊது குழல் போல் தான் தெரிகின்றன..! நியாயமான படங்களை எப்பவும் முன்னிலைப்படுத்த வேண்டும். அது தான் எல்லோருக்கும் ஆரோக்கியமானது. அதேவேளை தரக்குறைவான, வியாபார நோக்கங்களுக்காக அரைத்த மாவை அரைக்கும் படங்களைத் தவிர்க்க வேண்டும். அவற்றிற்கு எந்த விமர்சனமும் எழுதக்கூடாது.  எதிர்மறை, விமர்சனங்களும் படத்திற்குப் பலம் சேர்க்கும் வாய்ப்புக்களும் உண்டு..!

இந்தப்படத்தின் கதை, ஒரு வயோதிபர் இறக்க, அவரது இரண்டு தாரப்பிள்ளைகளிடையே போட்டி போட்டு  கொண்டு, யார் இறுதிக்கிரிகையைச் செய்வது என்ற நிலையில், ஓரிடத்தில் இருந்து, அவரது உடலை மரணவண்டியில் கொண்டுவரும்போது, நடந்த சில சம்பவங்கள் பெரும் சிக்கலாக மாறுகின்றன. அதேவேளை, பயணத்திற்காக அந்த மரண ஊர்தியில்  வந்த, ஒருவரின்  மரணத்தோடு, அங்கு ஏற்பட்ட எல்லாச் சிக்கல்களும் மறைகின்றன.

இலகுவாகப் படத்தின் கதையைச் சொன்னாலும், அது காட்சிப்படுத்தியவிதம் உண்மையில் ரசிக்க வைத்தது..! கருணாஸின் நகைச்சுவையில் தொடங்கி, இறுதியில் அவரே கதையின் நாயகன் அளவிற்கு  கதை, அவரைக்கொண்டு சென்றுவிட்டது..!

இறுதியாகப் பிணத்தை, குறித்த இடத்தில் சேர்க்கும்போது விமலுக்குத் தேவையான பணம் கிடைத்தாலும், வழியில் கண்டவர் குணம், மனத்தை விட்டு அகலாமல் இறுதியூர்வலத்தில் அவருக்காக விமல் ஆடியது, கண்களைக் குளமாக்கிவிட்டது..!

இந்தப்படத்தை அனைவரும் பொறுமையாக இருந்து பார்த்தால், வாழ்வின் பல ஏமாளித்தனமான நடவடிக்கைகள் புரியும்..! எவ்வளவோ நல்ல விடயங்களைவிட்டு, நாறல் விடயங்களில் காலத்தை ஓட்டுகின்றோம். இறைவன் எங்களைப் பார்த்துச் சிரிப்பார் என நம்புகின்றேன்.

படத்தில் பங்கேற்ற அனைவர் நடிப்பும் நன்றாக இருந்தன. அத்துடன் தொழில்நுட்பங்களும் சிறப்பாக

அமைந்தன.

இந்த அருமையான படத்தைத் தந்தமைக்காக இயக்குனர் மைக்கேல் கே ராஜாவிற்கு எனது பாராட்டுக்கள்.

 




ஆ.கெ.கோகிலன்

15-11-2024.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் ...
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை...
மேலும் படிக்கவும்

நானும் தொழில் நுட்பங்களும்..!

-
படம்
    நான் பிறந்த 60களின் கடைசியில் எமக்கு கல்வீடே கிடையாது..!   அந்தச்சமயத்தில் பகுதி மண் வீடோ அல்லது மண்வீடோ இருந்தது. ஆனால் இரவு விளக்குகள் எரியும். மண்ணெண்ணை அல்லது தேங்காய் எண்ணெய் விளக்குகளே அதிகம் பயன்பட்டது.   எல்லோரும் கூட்டமாக இருந்து கதைப்போம். சிறுவர்கள் அங்கும் இங்கும் ஓடி விளையாடுவார்கள். வீட்டில் பொழுது போக்குகள் கிடையாது. பெரிவர்கள் அவர்களது வேலைகளைச் செய்வார்கள். 10 மணிக்கு முன்னரே அனைவரும் படுத்துவிடுவார்கள். காலை 4 மணிக்கு முன்னரே எழுந்துவிடுவார்கள். சாப்பாடுகள் பல மாதிரியும் இருந்தாலும், பழைய சோறு அல்லது பழஞ்சோறு, பழம்தண்ணீர் என்பன   நிறைவான உணவு. இரவு மிச்சங்கள் எல்லாம் அடுத்தநாள் உணவில் தோன்றும். வருத்தங்கள் வருவது குறைவு. அந்தக்காலத்தில் நிறைவும் நிம்மதியும் இருந்தன என்றால் மிகையாகாது..!   70 தொடக்கங்களில் கல்வீடு வந்தது..! நான் தவழும் காலத்தில் கல்வீடு வந்தது. இருந்தாலும் விளக்குகள் இருந்தன. வீட்டின் ஒரு பகுதியில் வெங்காயக் கட்டுகள் தொங்கிக்கொண்டிருந்தன. இன்னோர் பகுதியில் பூசனிக்காய்கள் அடுக்கி வைக்கப்பட்டிருந்தன. அம்மா, அப்பா,...
மேலும் படிக்கவும்