துணிவு..!

-

 


தற்போதைய சூழலில் நிதி நிறுவனங்களினதும், வங்கிகளினதும் நிலைப்பாடு மிகப்பயங்கரமாக இருக்கின்றது என்பது யாருமே ஏற்றுக்கொள்ளத் தயங்கும் ஒரு உண்மை தான்..! 

இதனை அடிப்படையாகக் கொண்டு, மக்களிடம்   பணத்தைக் கொள்ளையடிக்கும் வங்கியில் இருந்து, அந்தப்பணத்தை திரும்ப எடுக்கும் ஒரு விறுவிறுப்பான முயற்சியாகப் படம் உள்ளது.  No Guts, No Glory  என்ற  Tag உடன் படம் துடங்குகின்றது.  தொடக்கம் முதல் முடிவு வரை ஒரே சண்டை தான்..!  எல்லாம் ஒரு அளவுக்குள்  இருக்க வேண்டும்.  என்னால் தொடர்ந்து படத்தைப்பார்க்க முடியவில்லை. நல்லவேளை தியேட்டர் போகவில்லை. இல்லை என்றால் ரிக்கெட் காசு வீண்..!

வீடியோவில் படத்தைப் பார்த்ததால், அதிக சண்டைகள்  படத்தை வெறுக்கச்செய்து, வேண்டாம், எழும்பலாம்.. என்னும் தறுவாயிலே, படத்தின் கதை புரிந்தது..!  

பின்னர் படம் ஓரளவு பார்க்கக்கூடியதாக இருந்தது. நரைத்த தலையுடன் அஜித்தை அட்டகாசம் செய்ய வைத்திருக்கின்றார் இயக்குனர். பல இடங்களில் நல்லா இருக்கின்றது. சில இடங்களில் கடுப்பாகவும் இருக்கின்றது.

படமே முழுக்கச் சண்டையாக இருப்பதால், சண்டைப்பிரியர்களுக்கு படம் பிடிக்கலாம். என்னைப்போன்ற சாதாரண மனிதனுக்கு, பொறுமையுடன் பார்க்கக் கஷ்டமாக இருந்தது. 

“சதுரங்கவேட்டை” மற்றும் கார்த்தியை வைத்து “தீரன் அதிகாரம் ஒன்று” போன்ற சிறந்த படங்களை இயக்கிய இயக்குனர், இவ்வளவு பொருட்செலவில்  இந்தப்படத்தை இயக்கியதற்கு பதிலாக மாஸ் நடிகர் தலை அஜித்தை வைத்து நல்ல ஒரு கதையில் நடிக்க வைத்திருக்கலாம் என்பது எனது கருத்து.

இக்கதை நேரடியாக மக்களையும், நிதிநிறுவனங்களையும் சிக்கலுக்குள் மாட்டியுள்ளது..! உலகே வங்கிகளை நம்பி இருக்கும் இந்தக்காலத்தில் வங்கிகளையே நம்பமுடியவில்லை என்றால் எங்கே போவது..?

நாயகியாக மஞ்சு வாரியாரும், அஜித்துக்கு நிகராக  நடித்து (அடித்து) இருந்தார். இப்படத்திலும் பல நடிகர்கள் நடித்திருந்தார்கள். பிக்பொக்ஸ் போட்டியாளர்கள் பலர் படத்தில் இருந்தார்கள்..!

பாடல்கள், பின்னணி இசை,  ஒளிப்பதிவு, படத்தொகுப்பு போன்ற தொழில்நுட்ப கலைஞர்களின் பங்களிப்பு சிறப்பாக இருந்தது.  படத்தின் கதையே, சண்டைகளுக்கு இடையில் இருப்பதால் ரசிக்கக் கஷ்டமாக இருந்தாலும், கொஞ்சம் புதுமையாக இருந்தது உண்மைதான்..!

திறமையான  இயக்குனர் என முன்பே நிரூபித்த வினோத்  இன்னும் நல்ல கதைகளைப் படமாக்கலாம்.  இப்படியான பொருட்செலவுள்ள படங்களை  எடுப்பது வணிக வெற்றிக்கு இடையூறாகவும் அமையலாம். ஆனால் இந்தப்படமும்  விஜயின் “வாரிசு” போல் அஜித் ரசிகர்களால் காப்பாற்றப்பட்டுள்ளது..! 

மாஸ் நடிகர்களுடைய ரசிகர்களின் எதிர்பார்ப்பை பூர்த்திசெய்யவென்று திரைக்கதையில் சொதப்பும் படங்களில்  இந்நடிகர்கள் நடிப்பது கவலையளிக்கின்றது. கொள்ளையடிப்பவனிடம் கொள்ளையடிப்பது தப்பே இல்லை. அது நியாயம் எனச்சொல்கின்றது படம்.

 


ஆ.கெ.கோகிலன்

18-02-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் ...
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை...
மேலும் படிக்கவும்

நானும் தொழில் நுட்பங்களும்..!

-
படம்
    நான் பிறந்த 60களின் கடைசியில் எமக்கு கல்வீடே கிடையாது..!   அந்தச்சமயத்தில் பகுதி மண் வீடோ அல்லது மண்வீடோ இருந்தது. ஆனால் இரவு விளக்குகள் எரியும். மண்ணெண்ணை அல்லது தேங்காய் எண்ணெய் விளக்குகளே அதிகம் பயன்பட்டது.   எல்லோரும் கூட்டமாக இருந்து கதைப்போம். சிறுவர்கள் அங்கும் இங்கும் ஓடி விளையாடுவார்கள். வீட்டில் பொழுது போக்குகள் கிடையாது. பெரிவர்கள் அவர்களது வேலைகளைச் செய்வார்கள். 10 மணிக்கு முன்னரே அனைவரும் படுத்துவிடுவார்கள். காலை 4 மணிக்கு முன்னரே எழுந்துவிடுவார்கள். சாப்பாடுகள் பல மாதிரியும் இருந்தாலும், பழைய சோறு அல்லது பழஞ்சோறு, பழம்தண்ணீர் என்பன   நிறைவான உணவு. இரவு மிச்சங்கள் எல்லாம் அடுத்தநாள் உணவில் தோன்றும். வருத்தங்கள் வருவது குறைவு. அந்தக்காலத்தில் நிறைவும் நிம்மதியும் இருந்தன என்றால் மிகையாகாது..!   70 தொடக்கங்களில் கல்வீடு வந்தது..! நான் தவழும் காலத்தில் கல்வீடு வந்தது. இருந்தாலும் விளக்குகள் இருந்தன. வீட்டின் ஒரு பகுதியில் வெங்காயக் கட்டுகள் தொங்கிக்கொண்டிருந்தன. இன்னோர் பகுதியில் பூசனிக்காய்கள் அடுக்கி வைக்கப்பட்டிருந்தன. அம்மா, அப்பா,...
மேலும் படிக்கவும்