பவளப்பாறைகள் (முருங்கைக்கற்பாறைகள்)..!

-

 


உலகத்தில் தரையில் வாழும் நாம் கடலைப் பார்த்திருக்கின்றோம். கடலை ரசித்திருக்கின்றோம். பலர் கடலில் குளித்தும் இருக்கின்றோம். எத்தனை பேர் கடலுக்கள் சென்று பார்த்துள்ளீர்கள்..? இதனை எல்லாரும் செய்ய முடியாது. அதற்கான பயிற்சிகள் எடுக்க வேண்டும். அவ்வாறான பயிற்சிகள் எடுத்து, கடலின் அடிக்குச் சென்று பார்த்தால் இன்னோர் புதிய கடலுலகத்தைப் பார்க்க முடியும்..! அவ்வளவு அற்புதமான விடயங்கள் அங்கே இருக்கின்றன. உயிர்கள் இருக்கின்றன.  அவற்றோடு நான் கதைக்கும் பவளப்பாறைகளும் (Coral reefs) இருக்கின்றன. இதனை யாரும் சாதாரண பாறைகளாக நோக்க வேண்டாம். இவை கடலில் இருக்கும் ஒர் உயிரங்கி..! அத்துடன் பல உயிர்கள் வாழ்வதற்கு தேவையான பல உதவிகளை இவை வழங்குகின்றன.


 பவளப்பாறைகள் என்பது பவள பொலிப்புக்களால் (Coral Polyps) படிந்த சுண்ணாம்புக் கல்லால் செய்யப்பட்ட பாரிய கட்டமைப்புகள் ஆகும். இவற்றை "கடலின் மழைக்காடுகள்" (“Rainforests of the Sea”) என்று குறிப்பிடப்படும்.  அறியப்பட்ட அனைத்து கடல் உயிரினங்களில் ஏறக்குறைய 25 சதவீதமானவை இவற்றில் தங்கியுள்ளன..!

                                                Coral Polyps

பவளப்பாறைகள் கடற்கரையோரங்களை புயல்கள் மற்றும் கடலரிப்புகளிலிருந்து பாதுகாக்கின்றன..! உள்ளூர் சமூகங்களுக்கு வேலை வாய்ப்புக்களை வழங்குகின்றன. மேலும் பொழுதுபோக்கிற்கான வாய்ப்புகளையும் வழங்குகின்றன. மேலும் உணவு மற்றும் புதிய மருந்துகளின் மூலாதாரமாகவும் உள்ளன. அரை பில்லியனுக்கும் அதிகமான மக்கள் உணவு, வருமானம் மற்றும் பாதுகாப்பிற்காக பவளப்பாறைகளையே நம்பியுள்ளனர்.

பவளப்பாறைகள், பாறைகள் (Rocks) போலல்லாமல், உயிருடன் உள்ளன. மேலும் தாவரங்களைப் போலல்லாமல், பவளப்பாறைகள் அவற்றின் சொந்த உணவை உருவாக்குவதில்லை. பவளப்பாறைகள் உண்மையில் விலங்குகள் (Animals). நாம் அடிக்கடி "பவளப்பாறை" என்று அழைக்கும் பகுதி அல்லது கிளை அல்லது மேடு உண்மையில் பொலிப்புகள் எனப்படும் ஆயிரக்கணக்கான சிறிய விலங்குகளால் ஆனது.

பூமியில் மிக நீண்ட காலம் வாழும் விலங்குகளாக பவளப்பாறைகள் உள்ளன. சில பவளப்பாறைகள் 5,000 ஆண்டுகள் வரை வாழ முடியும் என்று ஆய்வுகள் காட்டுகின்றன.

 


ஃபோப்ஸின் (Forbes) அறிக்கைப்படி, அடுத்த 20 ஆண்டுகளில் 70-90% பவளப்பாறைகள் அழிந்துவிடும் என்று விஞ்ஞானிகள் மதிப்பிட்டுள்ளனர்..! ஏனெனில் அதிக கடல் வெப்பநிலை (பூமி வெப்பமயமாதல்), கடல் அமிலமயமாக்கல் மற்றும் சூழல் மாசுபடுதல் ஆகிய காரணங்கள் அவற்றை அச்சுறுத்துகின்றன..! பவளப்பாறைகள் இறக்கும் விகிதம் அதிகரிப்பது என்பது உலகத்திற்கே ஆபத்தானது என்பதை நாம் அனைவரும் உணரவேண்டும்.


பவளப்பாறைகள் இறந்த பின்னர் பாறைகளாக மாறும். அவற்றின் நிறம் மாறும் (Coral Bleaching).  ஏறக்குறைய சுண்ணாம்புக்கற்களாக அல்லது பாறைகளாக அவை நிலைமாறும்.



 

ஆ.கெ.கோகிலன்

15-02-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்