கானசரஸ்வதி வாணிஜெயராம் காலமானார்.. !

-

 


சில பாடல்கள் காலத்தால் அழியாதவை. அப்படி ஒரு பாடல் "மல்லிகை என் மன்னன் மயங்கும் பொன்னான மலர் அல்லவோ.."
50 அல்லது 60 வருடங்களாக உலகத்தமிழர்களிடையே பிரபல்யமான இந்தப்பாடலை பாடிய குயில் வாணிஜெயராம் இன்று அவரது நுங்கம்பாக்கத்திலுள்ள வீட்டில் மரணமடைந்துள்ளார். 3 தேசிய விருதுகள் உட்பட பல விருதுகளைப் பெற்றவர் வாணி ஜெயராம்.
தமிழ், தெலுங்கு, கன்னடம், இந்தி எனபல  மொழிப்பாடல்களைப்பாடியுள்ளார்..!


தமிழ்நாட்டின் வேலூரில் 1945-11-30இல் பிறந்த வாணிஜெயராமின் இயற்பெயர் கலைவாணி.  இவரது கணவர் பெயரே ஜெயராம். வாணிஜெயராம் இதுவரை  1000படங்களுக்கு மேல் 10000இற்கு மேற்பட்ட பாடல்களை 19 மொழிகளில் பாடியுள்ளார்.  1000இற்கு மேற்பட்ட பக்திப்பாடல்களையும் பாடியுள்ளார். மரணமாகும் போது அவருடைய வயது 78 ஆகும். 1945 ஆண்டு பிறந்த வாணிஜெயராம் பாடகியாக 1971இல் இந்திப்படத்தில் அறிமுகமாகி அங்கே பிரபலமானாலும், தமிழில் வேறுபாடல்கள் பாடினாலும்,  "தீர்க்க சுமங்கலி..!" திரைப்படம்  வெளிவரமுதலே அப்படத்தில் இடம்பெற்ற  "மல்லிகை என் மன்னன்.." என்ற பாடல் அவரைத் தமிழ் உலகிற்கு அறிமுகப்படுத்தியது..!


இவருக்கு, அண்மையில் இவரது சேவைக்காக 76 ஆவது இந்தியக் குடியரசு தினத்தில் பத்மபூசன் விருது அறிவிக்கப்பட்டுள்ளது. அதனை இன்னும் பெறமுதலே அவர் மறைந்துவிட்டார். விருதுதான் அவரைச்சேர தாமதமாகிவிட்டது போலும்..!

இவரது மரணத்தால் இந்தியத் திரைத்துறையினரும், அவரது ரசிகர்களும், குடும்பத்தினரும் மிகவும் கவலையுடன் இருப்பார்கள். மரணம் என்பது அனைவருக்கும் பொதுவானதே..! அவரது உடல் மறைந்தாலும், அவரது பாடல்கள் மூலம் என்றும் வாழ்ந்துகொண்டு இருக்கும் சாகாவரம் பெற்ற சிலரில் வாணிஜெயராமும் ஒருவர். அவரது ஆத்மா சாந்தியடையட்டும்.



ஆ.கெ.கோகிலன்
(04-02-2023)


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் பொருளாதார
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை பெற்றுக்
மேலும் படிக்கவும்

நம்பிக்கையீனம்..!

-
படம்
  இன்று எனது நிறுவனப் பெண் ஊழியர்கள் சிலர் என்னுடன் கதைத்தார்கள். அவர்கள் மிகவும் திறமையானவர்கள். பல சேவைகளை   நிறுவனத்திற்குச் செய்துள்ளார்கள். இருந்தாலும் எல்லாவற்றிற்கும் சத்தம் போட்டுக்கதைப்பதால் பலர் அவர்களைப் பொருட்படுத்துவதில்லை. நான் இந்த நிறுவனத்திற்கு வந்த காலத்தில், அவர்கள் இருவரும் இரு துருவங்களில் நின்று, ஆளாளுக்கு குறைசொல்வார்கள். எதிரும் புதிருமாக, கீரியும் பாம்புமாக என எப்போதும் எதிர் திசைகளில் நின்றார்கள். அனைவரது செயற்பாடுகளையும் அவதானித்த நான், அவர்களிடம் நீங்கள் இப்படி ஆளுக்காள் அடிபடுவதை விட கொஞ்சம் அமைதியாக ஒருவருக்கொருவர் விட்டுக்கொடுத்துக் கதையுங்கள். பிரச்சனைகள் குறையும் என்றெல்லாம் சொன்னேன். கேட்டார்கள். பிரச்சனைகள் குறைந்தன. நான் கூடப் பணிப்பாளராக வர இவர்களும் காரணமாக இருந்திருக்கலாம். தற்போது, பல பிரச்சனைகள் வந்து போய்விட்டன. காலம் மாறிவிட்டது..! வயதுகள் கூடிவிட்டது..! பொருளாதாரப் பிரச்சனைகள் கூடக் குடும்பப் பிரச்சனைகளும் வந்துவிட்டன..!    எல்லாவிடயங்களையும் இலகுவாக எடுத்துச் செல்லக்கூடிய மனநிலைகளில் யாரும் இல்லை. இந்த நிலையில், இவர்கள் என்னிடம் நீ
மேலும் படிக்கவும்