சோதிக்கும் நாட்கள்..!

-

 


தனியார் வகுப்புகள் மாணவர்களுக்கு பயிற்சி அளிப்பது என்பது தொடர்பில் ஆய்வுகள் செய்யப்படவேண்டும். வியாபாரப் போட்டிகளுக்காக பிள்ளைகளுக்கு கிடைக்கும் சிறிய காலப்பகுதியையும், அவர்களைச் சிந்திக்க விடாமல் ஒரே விடயத்தைத் திரும்பத்திரும்பச் சொல்லி, பரீட்சையில் அதிக மதிப்பெண்கள் எடுக்க வைப்பதிலேயே குறியாக இருக்கின்றார்கள். இதை சில பெற்றோர்களும் விரும்புகின்றார்கள். உண்மையில் பிள்ளைகளைச் சிந்திக்க விடுவதில்லை. இதன் விளைவு படிப்பு முடிந்ததும் துள்ளிக்குதிக்கின்றார்கள். மோட்டார் வண்டிகளில் பறக்கின்றார்கள். சந்தோசமாக  இருப்பதற்காக தனக்கும், சமூகத்திற்கும், நாட்டிற்கும் கேடான விடயங்களை செய்து, தாம் பெரிய சாதனை செய்ததுபோல் திரிகின்றார்கள்.  எதனையும், அவரவர் விருப்பத்துடன் செய்யவேண்டும். அப்போது தான் அதன் முழுப்பலனையும் அடையமுடியும். வற்புறுத்தலூடான கடினபயிற்சி மூலம் பெரிய வெற்றியைப் பெறமுடியுமா என்பது எனது சந்தேகம். ஆனால் அதனை விருப்பத்துடன் செய்தால் இன்னும் அதிக வெற்றியைப்பெறமுடியும். இயற்கையின் ஒவ்வொரு படைப்பிற்கும் ஒரு அர்த்தம் உண்டு. அது நமக்குப் புரியாது. ஒருவர் போகும் பாதையில் மற்றவரும் போக நினைத்தால், பாதை வேண்டும் என்றால் இலகுவாக இருக்கும். ஆனால் வெற்றி கிடைக்குமா என்பது சந்தேகமே..!

சரிவிடயத்திற்கு வருவோம். சமாத்தியவீடு செய்யவேண்டிய எனது இரண்டாவது மகள், தொடர் பிரத்தியேக வகுப்புக்களால், காலை முதல் மாலைவரை அவளைப் பார்க்கவே முடிவதில்லை. பாடசாலை விடுமுறைவிட்டுள்ளது. ஆனால் பிள்ளைகளுக்கு விடுமுறையில்லை. இது ஒரு விதமான சமூகக்கொடுமை. பிள்ளைகள் மீது அழுத்தங்களை ஏற்படுத்தும் ஒரு கொடுமை. கல்வி என்பது அனைவருக்கும் வேண்டும். இங்கு கல்வி வழங்குவது என்ற போர்வையில் கல்வி வியாபாரப் போட்டியே நிகழ்கின்றது. பல பெற்றோர் பிள்ளைகளை தனியார் வகுப்புகளுக்கு அனுப்பிவிட்டால் வீடு கொஞ்சம் நிம்மதியாக இருக்கும் என்று நம்புகின்றார்கள். ஆனால் உண்மை பிள்ளைகளின் நிம்மதி போய்கொண்டிருக்கின்றது. அவர்களின் மனங்களும் விகாரமடைகின்றன. விளைவு சமூக அக்கறையற்ற  வியாபார போட்டிகொண்ட சமூதாயமே எதிர்காலத்தில் அதிகரிக்கும் அபாயம் உள்ளது. 

இந்த கொடுமையான சூழலில், சைக்கிளில் சென்ற எனது மகள்  திறப்பைத் தொலைத்ததால் குழப்பத்துடனும், அழுகையுடனும் வீட்டுக்கு வந்தாள். விசாரிக்க தொலைத்தததைப்பற்றி சொல்லி, கவலைப்பட்டாள். இன்னொரு சாவி வீட்டில் இருக்க வேண்டும் தேடிப்பார் என்று சொல்ல, அதனை எடுக்க முடியவில்லை. பின்னர் பூட்டை உடைத்து, வீடுவந்தாள். அதேபோல்  நானும் வேலைக்குச் செல்லும் போது, Accelarator  உம்  முன் பிறேக்கும் சரியாக வேலைசெய்யாதபடியால் விபத்துக்கள் ஏற்படக்கூடிய சந்தர்ப்பங்கள் ஏற்பட்டது. மகளின் கவலையையும் பார்த்து வந்ததால் மனம் இன்னும் குழப்பமாக இருந்தது. ஏன் இவ்வளவு சிக்கல்கள் வருகின்றது என்ற கேள்வியும் எழாமல் இல்லை.  இருந்தாலும், இவை கடமை. செய்வோம். முடிந்தவரையில் சிறப்பாகச் செய்வோம்.  சில நாட்கள் நமக்குச் சாதகமாகஇருக்கவில்லை என்பதற்கு இந்த நாளும் சாட்சி.

 

ஆ.கெ.கோகிலன்

05-06-2023.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ஊழியர் கூட்டம்..!

-
படம்
    நான் யாழ்ப்பாணம் வந்த காலத்தில் இருந்து ஊழியர்களுக்கும் நிர்வாகத்திற்கும் இடையே சிறிய பனிப்போர் இருந்துகொண்டே இருந்தது. அந்தக்காலத்தில் மூன்று பணிப்பாளர்களின் கீழ் வேலைசெய்யக்கூடிய வாய்ப்பையும் யாழ் உயர் தொழில்நுட்பவியல் நிறுவனம் தந்தது. நான் கடந்த காலங்களில் பட்ட பாடங்களால், யாருடனும் முரண்படாமல் எனது வேலையை என்னால் இயன்றவரை யாரையும் ஏமாற்றாமல் செய்யவே முனைந்திருக்கின்றேன். மிகவும் குறைவான நாட்களே லீவே எடுத்துள்ளேன். அருகிலுள்ள கோயில் திருவிழாக்களுக்குக் கூட போவதைத் தவிர்த்து எனது கடமையை செய்துள்ளேன். அதன் பரிசாகவே எனது தற்போதைய பதவி வந்துள்ளது என நம்புகின்றேன். யார் ஆண்டாலும், ஆளாவிட்டாலும் எனது கடமையை தவறாமல் செய்யவே நான் முனைவேன். எனது கணக்கை இயற்கைக்கே காட்டுகின்றேன். பிரபஞ்சம் என்னை அவதானிப்பதாக நம்புகின்றேன். அதனை ஏமாற்ற எனக்கு விருப்பம் கிடையாது. அதேபோல் பிரபஞ்சமும் என்னை ஏமாற்றாது என்ற நம்பிக்கையும் எனது வாழ்க்கைப்பாடத்தில் வந்துள்ளது. இவ்வாறே தொடர்வேன்..! இந்த மனநிலையில் நான் இருக்கும்போது, இன்று ஊழியர் கூட்டம் எமது நிறுவன நூல்நிலையத்தில் நடந்தது. நாட்டின் ...
மேலும் படிக்கவும்

டொக்ரர் அர்சுனா..!

-
படம்
    யாழில் கண்ட விநோதம் நீ..! சாவகச்சேரியில் நீ செய்த செயல் நாடு தாண்டி தமிழர்களை உன்பாதையை நேசிக்க வைத்தது..! உண்மைக்கு காலம் இல்லை என்ற எண்ணத்தை அரசு நிச்சயப்படுத்தினாலும் மக்கள் விழித்துக்கொண்டது உன் தன்னலமற்ற செயலால்..! கயவர்கள் வெளியில் இல்லை..! மக்களாகவே உள்ளார்கள். மருத்துவத்தில் மட்டும் திருட்டு இல்லை..! அது நுழையாத துறையே இல்லை. அதைத்தூக்கிச் சுமப்பது மக்களே..! உணர்ந்த மக்கள் மட்டும் சற்று தள்ளி நின்று பார்க்கின்றார்கள்..! உண்மைகள் அவர்களுக்குப் புரிகின்றன..! சேர்ந்தே இருப்பவருக்கு புரிய நாட்கள் தேவைப்படலாம். அது அவர்களின் ஆயுட்காலமாகக் கூட அமையலாம். அகத்தின் அழகு முகத்தில் தெரியும். கஷ்டங்கள் இருந்தாலும் அதை நீ மறைக்கும் விதமே தைரியம்..! உனக்கு பின்னால் இருக்கும் மக்கள் உண்மையாக இருந்தால், உனது உண்மை நிச்சயம் விரைவில் வெல்லும். இப்போதும் நீ பல விடயங்களில் வென்றுள்ளாய்..! நல்ல மக்களின் மனங்களை வென்றுள்ளாய்..! மக்களுக்காகச் சிக்கலிலும் மாட்டுகின்றாய்..! மன்னார் பயணம் இளம் தாயின் மரண விசாரனையே என்றாலும் பொறுமையில்லாமல் விலங்கை...
மேலும் படிக்கவும்

நானும் தொழில் நுட்பங்களும்..!

-
படம்
    நான் பிறந்த 60களின் கடைசியில் எமக்கு கல்வீடே கிடையாது..!   அந்தச்சமயத்தில் பகுதி மண் வீடோ அல்லது மண்வீடோ இருந்தது. ஆனால் இரவு விளக்குகள் எரியும். மண்ணெண்ணை அல்லது தேங்காய் எண்ணெய் விளக்குகளே அதிகம் பயன்பட்டது.   எல்லோரும் கூட்டமாக இருந்து கதைப்போம். சிறுவர்கள் அங்கும் இங்கும் ஓடி விளையாடுவார்கள். வீட்டில் பொழுது போக்குகள் கிடையாது. பெரிவர்கள் அவர்களது வேலைகளைச் செய்வார்கள். 10 மணிக்கு முன்னரே அனைவரும் படுத்துவிடுவார்கள். காலை 4 மணிக்கு முன்னரே எழுந்துவிடுவார்கள். சாப்பாடுகள் பல மாதிரியும் இருந்தாலும், பழைய சோறு அல்லது பழஞ்சோறு, பழம்தண்ணீர் என்பன   நிறைவான உணவு. இரவு மிச்சங்கள் எல்லாம் அடுத்தநாள் உணவில் தோன்றும். வருத்தங்கள் வருவது குறைவு. அந்தக்காலத்தில் நிறைவும் நிம்மதியும் இருந்தன என்றால் மிகையாகாது..!   70 தொடக்கங்களில் கல்வீடு வந்தது..! நான் தவழும் காலத்தில் கல்வீடு வந்தது. இருந்தாலும் விளக்குகள் இருந்தன. வீட்டின் ஒரு பகுதியில் வெங்காயக் கட்டுகள் தொங்கிக்கொண்டிருந்தன. இன்னோர் பகுதியில் பூசனிக்காய்கள் அடுக்கி வைக்கப்பட்டிருந்தன. அம்மா, அப்பா,...
மேலும் படிக்கவும்